នៅព្រឹកថ្ងៃពុធ ២កើត ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៦ ខែកុម្ភៈ ឆ្នាំ២០១៩ រដ្ឋបាលខេត្តកំពង់ឆ្នាំង និងក្រុមការងារសកម្មភាពជនពិការក្រសួងកិច្ចការនារី បានរៀបចំបើកវគ្គបណ្តុះបណ្តាលស្តីពី ជំនាញស្វែងរកការគាំទ្រមតិលើបញ្ហាយេនឌ័រ និងពិការភាព ក្រោមអធិបតីភាពលោកជំទាវ ញ៉ែម មរកត អនុរដ្ឋលេខាធិការ ក្រសួងកិច្ចការនារី និងលោកស្រី ប៉ាល់ យឿន អភិបាលរងខេត្តកំពង់ឆ្នាំង។
គោលបំណងនៃវគ្គបណ្តុះបណ្តាលនេះ គឺដើម្បីលើកកម្ពស់ សមត្ថភាព មន្រ្តីពិការភាព ជាពិសេស ផ្តោតលើស្រ្តី នៃក្រសួងកិច្ចការនារី និងក្រសួងស្ថាប័នពាក់ព័ន្ធ អំពីជំនាញស្វែងរកការគាំទ្រមតិ លើបញ្ហាយេនឌ័រ និងពិការភាព។ វគ្គបណ្តុះបណ្តាលនេះធ្វើឡើងរយៈពេល ៣ថ្ងៃ គឺចាប់ពីថ្ងៃទី៥ ដល់ថ្ងៃទី៧ ខែកុម្ភៈ ឆ្នាំ២០១៩។
ក្នុងវគ្គបណ្តុះបណ្តាលនោះ ក៏មានការចូលរួមពីលោក លោកស្រីប្រធាន អនុប្រធានមន្ទីរ អង្គភាពក្នុងខេត្ត លោក លោកស្រីជាជនបង្គោល ក្រុង/ស្រុក និងសិក្ខាកាមចូលរួមមកពីរាជធានី ខេត្ត ចំនួន ៨ ផងដែរ៕មុនីរម្យ
ប្រភព៖ រដ្ឋបាលខេត្តកំពង់ឆ្នាំង