ថ្ងៃទី១៤ ខែកញ្ញា ឆ្នាំ២០១៧ ឯកឧត្តម ជា សុមេធី អភិបាលខេត្តព្រៃវែង និងលោកជំទាវ ព្រមទាំងឯកឧត្តម លោកជំទាវ លោក លោកស្រី មន្ត្រីរាជការជុំវិញខេត្ត បានចូលរួមពិធីបុណ្យកាន់បិណ្ឌវេនទី៩ រួមគ្នាជាមួយ ឯកឧត្តម លោកជំទាវ លោក លោកស្រី និងប្រជាពលរដ្ឋ ក្នុងឃុំព្រៃកណ្តៀង ស្រុកពាមរក៏ និងបាននិមន្តព្រះសង្ឃ ចំនួន៩អង្គ មកពី៩វត្ត ដើម្បីប្រារព្ធកម្មវិធីបុណ្យកាន់បិណ្ឌទី៩ និងបង្សុកូល ដាឆ្លងជាកិច្ចបង្ហើយបុណ្យ និងឧទ្ទិកុសល្យ ជូនវិញ្ញាណក្ខ័ន្ឋ លោកតា លោកយាយ ព្រមទាំងវិញ្ញាណក្ខ័ន្ឋបុព្វការីជន និងញាតិការទាំង៧សណ្តាន ដែលបានចែកឋានទៅកាន់បរលោក ។ ឯកឧត្តម អភិបាលខេត្ត និងលោកជំទាវ សូមថ្លែងអំណរគុណចំពោះ ឯកឧត្តម លោកជំទាវ លោក លោកស្រី ទាំងអស់ ដែលបានចូលរួមជាថវិកា និងសំភារៈ ផ្ទាល់ខ្លួន និងសូម ឧទិ្ទសកុសល្យផលបុណ្យ ជូនដល់ ឯកឧត្តម លោកជំទាវ លោក លោកស្រី និងប្រជាពលរដ្ឋក្នុងខេត្តព្រៃវែងទាំងអស់ ទទួលបានមគ្គផល ដូចៗគ្នា។
ប្រភពព័ត៌មាន: រដ្ឋបាលខេត្តព្រៃវែង(ថ្ងៃទី ១៤ ខែកញ្ញា ឆ្នាំ២០១៧)
