នៅបន្ទប់ប្រជុំសាលាខេត្តសៀមរាប មានបើកកិច្ចប្រជុំពិភាក្សា និងពិគ្រោះយោបល់លើកទី២ លើផែនការអភិវឌ្ឍន៍ប្រព័ន្ធបណ្ដាញលូទឹកកខ្វក់ និងរបាយការណ៍សិក្សាសមិទ្ធិលទ្ធភាពគម្រោងសាងសង់ លូខ្វែង និងខ្វែងរងក្នុងក្រុងសៀមរាប ខេត្តសៀមរាប ក្រោមអធិបតីភាព លោក ពិន ប្រាកដ អភិបាលរង នៃគណៈអភិបាលខេត្តសៀមរាប និងជាតំណាង ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងលោក ចៅ សុភៈភិបាល ប្រធាននាយដ្ឋានសំណង់ប្រព័ន្ធចម្រោះទឹកកខ្វក់ តំណាង ឯកឧត្ដម ហេង រ័ត្នពិសិដ្ឋ អគ្គនាយកនៃអគ្គនាយកដ្ឋានសាធារណការ តំណាងធនាគារពិភពលោក (World Bank) ទីប្រឹក្សាក្រុមហ៊ុន SUEZ លោកប្រធាន-អនុប្រធានមន្ទីរ-អង្គភាព និងស្ថាប័នពាក់ព័ន្ធនានាជុំវិញខេត្ត សរុបចំនួន ៤២នាក់ស្រី ៣នាក់ កាលពីព្រឹកថ្ងៃពុធ ១០រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣០ ខែមករា ឆ្នាំ២០១៩។
ក្រោយពីការពិគ្រោះយោបល់ លើផែនការអភិវឌ្ឍន៍ប្រព័ន្ធបណ្ដាញលូទឹកកខ្វក់ ក្នុងខេត្តនេះរួចរាល់ ជំហានបន្តក្រុមការងារនឹងបន្តសិក្សា លើកគម្រោងបណ្តាញលូ ទៅធនាគារពិភពលោក។ ដូចនេះការអនុវត្ត គម្រោងអភិវឌ្ឍន៍បណ្តាញលូក្នុងខេត្ត នឹងដំណើរការនៅក្នុងពាក់ កណ្តាល ឆ្នាំ២០១៩៕ មុនីរម្យ
ប្រភព៖ រដ្ឋបាលខេត្តសៀមរាប
