ថ្ងៃព្រហស្បតិ៍ ១២កើត ខែបុស្ស ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១៧ ខែមករា ឆ្នាំ២០១៩ ស្នងការដ្ឋាននគរបាលខេត្តកែប បានរៀបចំពិធីបិទសិក្ខាសាលាស្តីពី "សុខភាពនគរបាល" ក្រោមអធិបតីភាព ឯកឧត្តម នាយឧត្តមសេនីយ៍ សម តារា អគ្គនាយករង នៃអគ្គនាយកដ្ឋានភស្តុភារ និង ហិររញ្ញាវត្ថុ ក្រសួងមហាផ្ទៃ តំណាង ឯកឧត្តម សេង យូអ៊ាន់ អគ្គនាយក នៃអគ្គនាយកដ្ឋានភស្តុភារនិង ហិរញ្ញាវត្ថុ ក្រសួងមហាផ្ទៃ និងមានការអញ្ជើញចូលរួមពីប្រតិភូអមដំណើរ លោក លោកស្រី ស្នងការរង លោក លោកស្រី នាយ នាយរងការិយាល័យ ជំនាញពាក់ព័ន្ធ នាយនគរបាលតាមបណ្តាផែនជំនាញ ចំណុះស្នងការដ្ឋាននគរបាលខេត្ត និងតាមបណ្តាអធិការដ្ឋាននគរបាល ក្រុង ស្រុកទាំង២ និងប៉ុស្តិ៍រដ្ឋបាលទាំង៥។

      មានមតិសំណេះសំណាលនាឱកាសបិទសិក្ខាសាលាក្នុងពេលនោះ ឯកឧត្តម នាយឧត្តមសេនីយ៍ សម តារា បានមានប្រសាសន៍ពីគោលបំណងនៃអង្គសិក្ខាសាលា គឺផ្តោតទៅលើការយកចិត្តទុកដាក់ចំពោះការអប់រំសុខភាពមន្ត្រីនគរបាលជាតិទាំងអស់ និងផ្តល់ជាចំណេះដឹងក្នុងកម្រិតបឋមស្តីពីការប្រឈម នៃ ប្រភេទជម្ងឺចំពោះមុខមួយចំនួន ដែលអាចនិងកើតមានឡើងពីផលប៉ះពាល់ជាយថាហេតុទៅដល់រាងកាយរបស់កងកម្លាំង។ ក្រៅពីនេះនិងផ្តល់ជាវិធីសាស្រ្តល្អៗ ដល់កងកំលាំងដែលកំពុងបំពេញតួនាទី ភារកិច្ចក្នុងការការពារសន្តិសុខ សណ្តាប់ធ្នាប់ជូនប្រជាជននៅតាមមូលដ្ឋាន និងនៅតាមអង្គភាពរៀងៗខ្លួន៕ រតនា

ប្រភព៖ ស្នងការដ្ឋាននគរបាលខេត្តកែប