ក្រសួងទេសចរណ៍និងអាជ្ញាធរខេត្តកំពង់ឆ្នាំង ប្រជុំលើកទី២ ស្តីពីការត្រៀមរៀបចំពិធីបុណ្យទន្លេលើកទី៥
ខេត្តកំពង់ឆ្នាំង៖ នៅថ្ងៃព្រហស្បតិ៍ ៥កើត ខែបុស្ស ឆ្នាំច សំរិទ្ធិស័ក ព.ស២៥៦២ ត្រូវនឹងថ្ងៃទី១០ ខែមករា ឆ្នាំ២០១៩ ក្រសួងទេសចរណ៍និងអាជ្ញាធរខេត្តកំពង់ឆ្នាំង បានបើកកិច្ចប្រជុំលើកទី២ ស្តីពីការរៀបចំពិធីបុណ្យទន្លេលើកទី៥ ក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ព្រមទាំងមានការអញ្ជើញចូលរួមពីលោកជំទាវដោក សុទ្ធា ប្រធានក្រុមប្រឹក្សាខេត្ត ឯកឧត្តមឈួរ ច័ន្ទឌឿន អភិបាលខេត្តកំពង់ឆ្នាំង និងមន្ត្រីពាក់ព័ន្ធ
ផងដែរ ។
កិច្ចប្រជុំបានត្រួតពិនិត្យលទ្ធផលការងារដែលសម្រេចបាន និងដាក់ចេញផែនការការងារដែលត្រូវជម្រុញអនុវត្តបន្តឲ្យទាន់តាមពេលវេលាកំណត់ ដើម្បីរៀបចំពិធីបុណ្យទន្លេលើកទី៥ ឲ្យមានភាពអធិកអធម និងសប្បាយរីករាយ។មុនីរម្យ
