https://www.interior.gov.kh/report/detail/1576
នៅខេត្តសៀមរាប មានបើកពិធីសម្ភោធរូបសំណាកសម្ដេចព្រះសង្ឃរាជ ជួន ណាត និងពិធីបិទការប្រកួតកីឡាបាល់ទាត់ ដែលប្រារព្ធឡើង ក្រោមអធិបតីភាព ឯកឧត្តម ទៀ សីហា អភិបាល នៃគណៈអភិបាលខេត្តសៀមរាប និងមានការចូលរួមពី សមាជិកក្រុមការងារថ្នាក់ជាតិចុះជួយមូលដ្ឋានឃុំរលួស រួមទាំងមន្ត្រីរាជការជាច្រើនរូបទៀត។
ក្នុងឱកាសនោះ ក៏មានការប្រគល់ពាន និងរង្វាន់ជ័យលាភីជូនក្រុមកីឡាករនៃក្រុមនីមួយៗ ដោយពានរង្វាន់លេខ ១ ទទួលបានពាន១ បាល់៣ និងទឹកប្រាក់ ២លានរៀល លេខ២ ទទួលបានពាន១ បាល់៣ និងទឹកប្រាក់ ១លានរៀល លេខ៣ ទទួលបានពាន១ បាល់៣ និងទឹកប្រាក់ ៥០ម៉ឺនរៀល និងមានរង្វាន់លើកទឹកចិត្តជាច្រើនទៀតសម្រាប់ក្រុមកីឡាករដែលមិនទទួលបានជ័យលាភីផងដែរ។
ពីធីនេះធ្វើឡើង កាលពីព្រឹកថ្ងៃសៅរ៍ ៧កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១២ ខែមករា ឆ្នាំ២០១៩ នៅសាលាអនុវិទ្យាល័យ ហ៊ុន សែនរលួស ស្ថិតនៅភូមិដូនទាវ ឃុំរលួស ស្រុកប្រាសាទបាគង សៀមរាប។ អែមមី
ប្រភពៈរដ្ឋបាលខេត្តសៀមរាប
ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។