នាព្រឹកថ្ងៃព្រហស្បតិ៍ ១២រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែមករា ឆ្នាំ២០១៩នេះ ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញជាអធិបតីបេីកកិច្ចប្រជុំត្រួតពិនិត្យលទ្ធផលការងារគម្រោងជួសជុលប្រព័ន្ធលូក្នុងខណ្ឌ៤ក្នុងរាជធានីភ្នំពេញនៃឆ្នាំ២០១៨ និងផែនការឆ្នាំ២០១៩ ដើម្បីឆ្លើយតបទៅនឹងបញ្ហាជាក់ស្ដែងរបស់បងប្អូនប្រជាពលរដ្ឋក្នុងរាជធានីភ្នំពេញ អំពីបញ្ហាទឹកជំនន់ទឹកភ្លៀងនាពេលកន្លងមកដែលរដ្ឋបាលរាជធានីភ្នំពេញបានដាក់ផែនការឱ្យខណ្ឌទាំង៤ រួមមានខណ្ឌដូនពេញ ខណ្ឌទួលគោក ខណ្ឌចំការមន និងខណ្ឌ៧មករា បានចុះពិនិត្យនិងអនុវត្តតាមផែនការ ការស្ដារប្រព័ន្ធប្រឡាយ លូ ក្នុងឆ្នាំ២០១៨បានអនុវត្តសម្រេចបាន១០០%តាមគម្រោង។
តាមរយៈកិច្ចប្រជុំនេះដែរ រដ្ឋបាលរាជធានីភ្នំពេញ បានឃើញពីតម្រូវការរបស់បងប្អូនក្នុងរាជធានីភ្នំពេញកាន់តែខ្ពស់ បានរៀបចំដាក់ផែនការថ្មី ដើម្បីអោយរាជធានីភ្នំពេញជៀសផុតពីទឹកជំនន់ទឹកភ្លៀងនារដូវវស្សាក្នុងឆ្នាំ២០១៩នេះ និងបន្តអនុវត្តនិរន្តរភាពការងារឱ្យមានប្រសិទ្ធភាពការងារ៕គឹមអាន ប្រភព៖រដ្ឋបាលរាជធានីភ្នំពេញ
