នាព្រឹកថ្ងៃព្រហស្បតិ៍ ១២រោច ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែមករា ឆ្នាំ២០១៩ នៅសាលប្រជុំតូចនៃស្នងការដ្ឋាននគរបាលខេត្តកែប លោក ឧត្តមសេនីយ៍ត្រី បែន តារា ស្នងការនគរបាលខេត្តកែប បានជួបប្រជុំជាមួយមន្ត្រីក្រោមឱវាទ ដើម្បីត្រួតពិនិត្យ ដកពិសោធន៍លទ្ធផលការងារ និងដាក់ចេញផែនការចាំបាច់ដើម្បីអនុវត្តន៍បន្ត។
មានប្រសាសន៍ទៅកាន់កិច្ចប្រជុំលោក ស្នងការ សំដែងនូវមោទនភាព និងកោតសរសើរចំពោះសមទ្ធិផលការងារដែលផែននីមួយៗបានដឹកនាំខិតខំរួមគ្នាសំរេចបានលទ្ធផលជាបន្តបន្ទាប់ ជាពិសេសបានដឹកនាំការពារសន្តិសុខ សណ្តាប់ជូនភ្ញៀវទេសចរណ៍ជាតិ អន្តរជាតិ និងប្រជាជន ក្នុងព្រឹត្តិការណ៍អុំទូកផ្កាចារសមុទ្រ ក៍ដូចជាពិធីបុណ្យឆ្លងឆ្នាំសកល ២០១៩ ដែលរៀបចំឡើងដោយរដ្ឋបាលខេត្តកែប នៅមុខសាលាខេត្ត និងឆ្នេរកែប ដោយទទួលបានជោគជ័យ ពុំមានបទល្មើសកើតឡើង។ លោកស្នងការក៏បានផ្តល់អនុសាសន៍មួយចំនួនសំដៅលើការពង្រឹងវិធានការណ៍សន្តិសុខ ទប់ស្កាត់បង្ក្រាបបទល្មើសព្រហ្មទណ្ឌ, គ្រឿងញៀន, ការគ្រប់គ្រងជនបរទេស, ការគ្រប់គ្រងស្ថិតិប្រជាជន និងការគ្រប់គ្រងកសាងពង្រឹងវិន័យនៅក្នុងអង្គភាពដើម្បីធានាបានប្រសិទ្ធភាព អនុវត្តន៍ការងារខាងមុខឱ្យទទួលបានលទ្ធផលខ្ពស់ជាបន្តទៀត៕ រតនា ប្រភព៖ ស្នងការដ្ឋាននគរបាលខេត្តកែប