នៅព្រឹកថ្ងៃសុក្រ ៦រោច ខែមិគសិរ ឆ្នាំច សំរឹទ្ធិស័ក ត្រូវនឹងថ្ងៃទី២៨ ខែធ្នូ ឆ្នាំ២០១៨ ឯកឧត្តម អម សុភា អភិបាលរងខេត្តកំពង់ឆ្នាំង និងជាប្រធានគ្រប់គ្រងគម្រោងបែងចែកដីដើម្បីសម្បទានសង្គមកិច្ច និងការអភិវឌ្ឍសេដ្ឋកិច្ចជំហាន២(LASED II) អញ្ជើញជាអធិបតីភាពក្នុងកិច្ចប្រជុំបូកសរុបលទ្ធផលនៃការអនុវត្តគម្រោងឆ្នាំ២០១៨ និងលើកទិសដៅឆ្នាំ២០១៩ ដោយមានការអញ្ជើញចូលរួមពីលោក លោកស្រី មន្ត្រីគម្រោងថ្នាក់ខេត្ត ស្រុក ជាច្រើនរូបផងដែរ ។
ថ្លែងក្នុងកិច្ចប្រជុំ ឯកឧត្តម អម សុភា បានមានប្រសាសន៍ថា៖ កិច្ចប្រជុំនេះធ្វើឡើងដើម្បីធ្វើការបូកសរុបសកម្មភាព ការងារដែលបានអនុវត្តក្នុងឆ្នាំ២០១៨ និងចែករំលែកបទពិសោធន៍ល្អៗដែលបានអនុវត្តកន្លងមក ការពិភាក្សាស្វែងដំណោះស្រាយបញ្ហាប្រឈម និងលើកទិសដៅផែនការ សកម្មភាពអនុវត្តសម្រាប់ឆ្នាំ២០១៩ ៕អែមមី
ប្រភពៈ រដ្ឋបាលខេត្តកំពង់ឆ្នាំង