រដ្ឋបាលខេត្តកំពង់ស្ពឺ ប្រជុំឆ្លងរបាយការណ៍ប្រចាំខែធ្នូ សម្រាប់ឆ្នាំ២០១៨
រសៀលថ្ងៃព្រហស្បតិ៍ ១៣កើត ខែមិគសិរ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ ខែធ្នូ ឆ្នាំ២០១៨ នៅសាលប្រជុំសាលាខេត្ត(អាគារខាងត្បូង) លោក កែវ គុជសី នាយករដ្ឋបាលខេត្តកំពង់ស្ពឺ បានដឹកនាំកិច្ចប្រជុំឆ្លងរបាយការណ៍ប្រចាំខែធ្នូ និងប្រចាំឆ្នាំ២០១៨ របស់រដ្ឋបាលខេត្ត ដោយមានការចូលរួមពីមន្ទីរ/អង្គភាពនានាជុំវិញខេត្ត ក្រុង ស្រុក ទាំង៨។ គោលបំណងសំខាន់នៃកិច្ចប្រជុំនេះគឺដើម្បីពិនិត្យកែតម្រូវ ខ្លឹមសារនៃរបាយការណ៍នេះឱ្យមានភាពសុក្រឹត មុនដាក់ជូនកិច្ចប្រជុំគណៈអភិបាល និងដាក់ជូនក្រុមប្រឹក្សាអនុម័តដើម្បីបញ្ជូនទៅក្រសួងមហាផ្ទៃ៕ រតនា
ប្រភព៖ រដ្ឋបាលខេត្តកំពង់ស្ពឺ
