មន្ទីរផែនការខេត្តកំពង់ឆ្នាំង សហការជាមួយវិទ្យាស្ថានជាតិ ស្ថិតិក្រសួងផែនការ នាថ្ងៃចន្ទ ១០កើត ខែមិគសិរ ឆ្នាំច សំរឹទ្ធិស័ក ព.ស.២៥៦២ ថ្ងៃទី១៧ ខែធ្នូ ឆ្នាំ២០១៨ បានបើកវគ្គបណ្ដុះបណ្ដាលគ្រូបង្វឹក សម្រាប់ធ្វើជំរឿនទូទៅប្រជាជននៅព្រះរាជាណាចក្រកម្ពុជា ឆ្នាំ២០១៩ ខេត្តកំពង់ឆ្នាំង ក្រោមអធិបតីភាព លោកស្រី ប៉ាល់ យឿន អភិបាលរងខេត្ត តំណាងដ៏ខ្ពង់ខ្ពស់ ឯកឧត្ដម ឈួរ ច័ន្ទឌឿន អភិបាលខេត្តកំពង់ឆ្នាំង និងជាប្រធានគណៈកម្មាធិការជំរឿនទូទៅប្រជាជន ខេត្តកំពង់ឆ្នាំង ឆ្នាំ២០១៩ និងមានការចូលរួមពី លោក ឈួន សុធី ប្រធាននាយកដ្ឋាន នៃវិទ្យាស្ថានជាតិស្ថិតិក្រសួងផែនការ លោក ឌឹម ឌន ប្រធានមន្ទីរផែនការខេត្ត និងជាសមាជិកអចិន្ដ្រៃយ៍គណៈកម្មាធិការជំរឿនទូទៅប្រជាជនខេត្តកំពង់ឆ្នាំង ឆ្នាំ២០១៩ ។
សូមបញ្ជាក់ថា វគ្គបណ្ដុះបណ្ដាលនេះប្រព្រឹត្តឡើងរយៈពេល ០៥ ថ្ងៃ គឺចាប់ពីថ្ងៃទី១៧-២១ ខែធ្នូ ឆ្នាំ២០១៨ នៅសាលប្រជុំមន្ទីរផែនការខេត្តកំពង់ឆ្នាំង និងមានសិក្ខាកាមចូលរួមសរុបចំនួន៤៤ នាក់៕អែមមី
ប្រភពៈ រដ្ឋបាលខេត្តកំពង់ឆ្នាំង
