នារសៀលថ្ងៃសៅរ៍ ៨កើត ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៥ ខែធ្នូ ឆ្នាំ២​០១៨ ឯកឧត្តម ទៀ សីហា អភិបាល នៃគណៈអភិបាលខេត្តសៀម​រា​ប បានអញ្ជើញចូលរួមកិច្ចប្រជុំពិភាក្សាស្តីពីការ រៀបចំកិច្ចប្រជុំប្រចាំឆ្នាំ លើកទី២៧ នៃវេទិកាអាស៊ី​-បាស៊ីភិក (APPF) នៅសណ្ឋា​គារសុខាសៀមរាប។កិច្ចប្រជុំ នេះក្រោមអធិបតីភាព ឯកឧត្តមបណ្ឌិត នួន ញ៉ិល អនុប្រធានទី១ នៃរដ្ឋសភា ដោយមានការចូលរួមពី លោក ជំទាវ និន សាផុន ប្រធានគ​ណៈកម្ម​ការទី៩ រដ្ឋសភា និងជាប្រធានអនុគណៈកម្មការពិធីការ និងដឹកជញ្ជូន ឯកឧត្តម នូ ផល្លា តំណាងរាស្ដ្រមណ្ឌលសៀមរាប ប្រធាន-អនុប្រធានមន្ទីរ-អង្គភាពពាក់ព័ន្ធនានាជុំវិញខេត្ត។

     សូមបញ្ជាក់ផងដែរ កិច្ចប្រជុំប្រចាំឆ្នាំ លើកទី២៧ នៃវេទិកាអាស៊ី-បាស៊ីភិក (APPF) នេះ នឹងប្រព្រឹត្តិទៅនៅ ខែមករា ឆ្នាំ២០១៩ នាខាងមុខ នៅខេត្តសៀមរាប៕គឹមអាន

ប្រភប៖​ រដ្ឋបាលខេត្តសៀមរាប