រដ្ឋបាលខេត្តកោះកុង ចុះសំណេះសំណាល និងចែកសំលៀកបំពាក់ ដល់សិស្ស និងក្រុមយុវជនកាយរឹទ្ធិ ដើម្បីចូលរួមក្នុងពិធីបុណ្យសមុទ្រនាពេលខាងមុខ
ថ្ងៃអង្គារ ៤ កើត ខែមិគសិរ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី១១ ខែធ្នូ ឆ្នាំ២០១៨ លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង និងលោក ស្រេង ហុង អភិបាលរងខេត្តកោះកុង បានអញ្ជើញជាអធិបតី ក្នុងពិធីសំណេះសំណាល និងចែកសំលៀកបំពាក់ ជូនដល់សិស្សានុសិស្ស និងក្រុមយុវជនកាយរឹទ្ធិ វិទ្យាល័យកោះកុង ដើម្បីចូលរួមក្នុងពិធីបុណ្យសមុទ្រនាពេលខាងមុខ។ លោកជំទាវ បានចូលរួមអបអរសាទរ និងកោតសរសើរដល់ប្អូនៗជាក្រុមយុវជនកាយរិទ្ធ ដែលបានទទួលឯកសណ្ធាននាពេលនេះ គឺប្អូនៗស្ម័គ្រចិត្តចូលរួមសកម្មភាពនានា ក្នុងសង្គម ដើម្បីចូលរួមជាមួយរដ្ឋបាលខេត្ត និងសង្គមទាំងអស់ ពិសេសពិធីបុណ្យសមុទ្រ ដែលខេត្តរបស់យើងទទួលធ្វើជាម្ចាស់ផ្ទះ៕គឹមអាន
ប្រភព៖ រដ្ឋបាលខេត្តកោះកុង
