លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង កាលពីថ្ងៃចន្ទ ៣ កើត ខែមិ​គសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១០ ខែធ្នូ ឆ្នាំ២០១៨ ម្សិលមិញនេះ បានអញ្ជើ​ញចូ​លរួមកិច្ចប្រជុំការងារត្រៀមរៀបចំបុណ្យសមុទ្រលើកទី៧ ជុំទី២ ក្រោមអធិបតីភាព ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ និងជាប្រធានគណៈកម្មការអន្តរក្រសួង។

     ឆ្លៀតក្នុងឱកាសនោះផងដែរ លោកជំទាវអភិបាលខេត្ត ក៏បានសូមឱ្យក្រុមការងារថ្នាក់ខេត្ត ចូលរួមសហការ ជាប្រចាំ ជាមួយក្រសួង ស្ថាប័ន និងអ្នកពាក់ព័ន្ធនានា ដើម្បីឱ្យការងារសម្រេចបានតាមការរំពឹងទុក ព្រោះពេលវេលា កាន់តែខិតជិតមកដល់ សូមឱ្យអ្នកពាក់ព័ន្ធទាំងអស់ពិនិត្យកិច្ចការដែលនៅសេសសល់ ត្រៀមទទួលភ្ញៀវជាតិ អន្តរជាតិ ដែលមកកំសាន្ត ក្នុងពិធីបុណ្យនាពេលខាងមុខ៕រតនា 

ប្រភព៖ រដ្ឋបាលខេត្តកោះកុង