លោកជំទាវ មិថុនា ភូថង នាំយកអំណោយសប្បុរសធម៌ ចែកជូនប្រជាពលរដ្ឋចំនួន ២០០ គ្រួសារ ក្នុងក្រុងខេមរភូមិន្ទ
នាព្រឹកថ្ងៃព្រហស្បតិ៍ ១៤ រោច ខែកត្តិក ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៦ ខែធ្នូ ឆ្នាំ២០១៨ លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង បានអញ្ជើញជាអធិបតីក្នុងពិធីចែកអំណោយសប្បុរសធម៌ ជាគ្រឿងឧបភោគ បរិភោគ ដែលជាអំណោយ របស់ក្រុមអតិថិជន រថយន្ត FORD ក្នុងឱកាសធ្វើដំណើរកំសាន្តមកកាន់ខេត្តកោះកុង ជូនប្រជាពលរដ្ឋចំនួន ២០០ គ្រួសារ ក្នុងសង្កាត់ទាំង ៣ នៃក្រុងខេមរភូមិន្ទ ខេត្តកោះកុង។
លោកជំទាវ បានថ្លែងអំណរគុណដល់អតិថិជនរថយន្ត FORD ដែលមានចិត្តសប្បុរស ចូលរួមផ្តល់អំណោយ ដល់បងប្អូនប្រជាពលរដ្ឋ ក្នុងក្រុងខេមរភូមិន្ទ ទាំងនេះ គឺជាវប្បធម៍ចែករំលែក ជាទឹកចិត្តដ៏ថ្លៃថ្លាមិនអាចកាត់ថ្លៃបាន៕រតនា
ប្រភព៖ រដ្ឋបាលខេត្តកោះកុង
