អភិបាលខេត្តស្វាយរៀង ពិភាក្សាការងារជាមួយ មេបញ្ជាការរងយោធាខេត្តឡុងអាន នៃសាធារណរដ្ឋសង្គមនិយមវៀតណាត
នាព្រឹកថ្ងៃព្រហស្បតិ៍ ៨កើត ខែកត្ដិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៥ ខែវិច្ឆិកា ឆ្នាំ២០១៨នេះ នៅសាលាខេត្តស្វាយរៀង ឯកឧត្ដម ម៉ែន វិបុល អភិបាល នៃគណៈអភិបាលខេត្តស្វាយរៀង បានទទួលជួបលោកវរសេនីយ៍ឯក ជីញ វ៉ាន់សា (Trịnh Văn Xa) មេបញ្ជាការរងយោធាខេត្តឡុងអាន នៃសាធារណរដ្ឋសង្គមនិយមវៀតណាម ដើម្បីពិភាក្សាពីសំណើរបស់ខេត្តឡុងអាន ស្នើសុំកែលម្អស្តូបរូប សំណាកអតីតយុទ្ធជន ង្វៀន វ៉ាន់ង៉ូ នៅសួនពោធិ៍តាហោ សង្កាត់ពោធិ៍តាហោ ក្រុងស្វាយរៀង ។ ក្នុងជំនួបនេះក៏មានការអញ្ជើញចូលរួមពីនាយករដ្ឋបាលសាលាខេត្ត មេបញ្ជាការតំបន់ប្រតិបត្តិការសឹករង ខេត្តស្វាយរៀង តំណាងអាជ្ញាធរ និងមន្ត្រីពាក់ព័ន្ធ រួមនិងប្រតិភូខេត្តឡុងអានផងដែរ ៕អែមមី
ប្រភព៖រដ្ឋបាលខេត្តស្វាយរៀង
