លោក ផៃធូន ផ្លាមកេសន អភិបាលរងខេត្តកោះកុង បានដឹកនាំគណៈប្រតិភូខេត្តកោះកុង ដើម្បីចូលរួមក្នុងសន្និសីទលើកទី១ ស្តីពី "ច្រករបៀងសេដ្ឋកិច្ចតំបន់ឆ្នេរ តាមបណ្តោយប្រទេសកម្ពុជា ថៃ វៀតណាម" ដែលរៀបចំធ្វើឡើងនៅថ្ងៃទី១៤-១៥ ខែវិច្ឆិកា ឆ្នាំ២០១៨ នៅព្រះរាជាណាចក្រថៃ។
សន្និសីទនេះដឹកនាំដោយប្រធានសភាពាណិជ្ជកម្ម នៃព្រះរាជាណាចក្រថៃ ដោយមានការអញ្ជើញចូលរួមពីគណៈប្រតិភូ នៃព្រះរាជាណាចក្រកម្ពុជា មានចំនួន០៤ ខេត្ត រួមមាន កោះកុង ព្រះសីហនុ កំពត និង កែប គណៈប្រតិភូអញ្ជើញមកពីប្រទេសវៀតណាម មានចំនួន ០១ ខេត្ត គណៈប្រតិភូ នៃព្រះរាជាណាចក្រថៃ មានចំនួន ០៤ ខេត្ត គឺ ខេត្តត្រាត ច័ន្ទបុរី រៈយ៉ង ឈុនបូរី។
សន្និសីទនេះផ្តោតសំខាន់ទៅលើ៖ កិច្ចពិភាក្សាលើការចុះអានុស្សារណៈយោគយល់គ្នា, ការចុះអានុស្សារណៈយោគយល់គ្នា ដោយ សភាពាណិជ្ជកម្ម ខេត្តនីមួយៗ ជាមួយភាគី កម្ពុជា ថៃ វៀតណាម លើវិស័យ ពាណិជ្ជកម្ម ការវិនិយោគ ការដឹកជញ្ជូន ទេសចរណ៍៕សិដ្ឋ
ប្រភព៖ រដ្ឋបាលខេត្តកោះកុង