រដ្ឋបាលខេត្តស្វាយរៀង បានរៀបចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្ត លើកទី៥ អាណត្តិទី២ នៅវត្តស្វាយជ្រំ ឃុំស្វាយជ្រំ ស្រុកស្វាយជ្រំ កាលពីថ្ងៃអង្គារ ៦កើត ខែកត្ដិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៣ ខែវិច្ឆិកា ឆ្នាំ២០១៨ម្សិលមិញនេះ ក្រោម​អធិបតីភាព​ឯកឧត្តម អ៊ុយ ថន សមាជិកក្រុមប្រឹក្សាខេត្ត និងលោកស្រី ឯក សុវណ្ណភារៈ អភិបាលរង​ខេត្តស្វាយ​រៀង ព្រមទាំងមានការអញ្ជើញចូលរួមពី សមាជិកក្រុមប្រឹក្សាខេត្ត ប្រធានមន្ទីរ-អង្គភាពនានា ប្រធាន​ក្រុមប្រឹក្សា និងសមាជិកក្រុមប្រឹក្សាស្រុក គណៈអភិបាលស្រុក នាយកទី​ចាត់ការ/ប្រធាន​អង្គភាព​ចំណុះសាលាខេត្ត តំណាងកងកម្លាំង ប្រធានការិយាល័យជំនាញនានាជុំវិញស្រុក លោក លោកស្រី ប្រធាន និងសមាជិកក្រុមប្រឹក្សាឃុំ អង្គការសង្គមស៊ីវិល ព្រមទាំងប្រជាពលរដ្ឋនៅក្នុងស្រុកស្វាយជ្រំ ប្រមាណ ៨០០នាក់។ ចំវេទិកានេះដោយផ្ដោតលើប្រធានបទសំខាន់ៗមួយចំនួន ដូចជា៖ ១.ការអនុវត្តគោលនយោបាយភូមិ ឃុំ មានសុវត្ថិភាព, ២.ការអភិវឌ្ឍមូលដ្ឋាននិងការផ្ដល់​សេវា​សាធារណៈ, ៣.ការធ្វើអត្តសញ្ញាណបណ្ណ ចំណាកស្រុក សុខភាពអនាម័យ បរិស្ថាន ទំនាស់ដីធ្លី និងអគ្គិសនី៕សិដ្ឋ

ប្រភព៖ រដ្ឋបាលខេត្តស្វាយរៀង