ក្នុងឱកាសដឹកនាំក្រុមការងារ ចុះពិនិត្យ និងកែសម្រួលការតុបតែងលំអរ សួនច្បារសាធារណ: និងទីតាំងមួយចំនួន ដើម្បីអោយកាន់តែមានសោភណ្ឌភាព សម្រាប់ប្រជាពលរដ្ឋ បានលេងកំសាន្ត និងត្រៀមទទួលភ្ញៀវទេសចរ កាលពីថ្ងៃអាទិត្យ ៤កើត ខែកត្តិក ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១១ ខែវិច្ឆិកា ឆ្នាំ២០១៨ម្សិលមិញនេះ លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង បានជម្រុញដល់រដ្ឋបាលក្រុង សង្កាត់ និងអាជ្ញាធរមូលដ្ឋាន ជួយជម្រុញលើកទឹកចិត្ត ដល់បងប្អូនគ្រប់មជ្ឈដ្ឋានទាំងអស់ ចូលរួមសំអាត អនាម័យបរិស្ថាន និងពង្រឹងយន្តការ នៃការគ្រប់គ្រងសំរាម និងសូមមានការចូលរួមពីមន្ទីរ អង្គភាពពាក់ព័ន្ធ ជាពិសេសប្រជាពលរដ្ឋក្នុងក្រុង និងអាជីវករលក់ដូរតាមសួនសាធារណៈធ្វើយ៉ាងណាអោយមានអនាម័យស្អាតល្អ។
ជាមួយគ្នានេះដែរ លោកជំទាវបាន ជម្រុញការអនុវត្តគម្រោងនានា ខិតខំធ្វើយ៉ាងណាអោយបានសម្រេចទាន់ពេលវេលា នឹងរួចរាល់ សម្រាប់ពិធីបុណ្យសមុទ្រនាខែធ្នូខាងមុខនេះ៕សិដ្ឋ
ប្រភព៖ រដ្ឋបាលខេត្តកោះកុង