នៅថ្ងៃសៅរ៍ ៣កើត ខែកត្ដិក ឆ្នាំច សំរឹទ្ធិ ព.ស ២៥៦២ ត្រូវនឹងថ្ងៃទី១០ ខែវិច្ឆិកា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងលោកជំទាវ ជាមួយឯកឧត្តម ស សុខា បានដឹកនាំប្រជុំត្រួតពិនិត្យការងាររៀបចំពិធី បំបែកកំណត់ត្រាឯតទគ្គកម្មទូក ង វែងជាងគេលើពិភពលោក នៅថ្ងៃទី១២ ខែវិច្ឆិកា ឆ្នាំ២០១៨ និងពិធីអុំទូក ង ខេត្តព្រៃវែងក្នុងពេលនេះដែរ។ ដោយឡែក ការប្រជុំនេះ ក៏បានពិភាក្សាលើការត្រៀមយកទូក ង វែងជាងគេលើពិភពលោក ទៅអុំបង្ហាញនៅក្នុងព្រះរាជពិធីបុណ្យអុំទូក បណ្តែតប្រទីប អកអំបុក សំពះព្រះខែ នាថ្ងៃ ទី២១-២២-២៣ ខែវិច្ឆិកា ឆ្នាំ២០១៨ ព្រមទាំងតម្កល់ទុកនៅរាជធានីភ្នំពេញ មួយរយៈខ្លីដើម្បីអោយបងប្អូនប្រជាបលរដ្ឋបានទស្សនា។ បន្ទាប់មក ឯកឧត្តម អភិបាលខេត្ត និងលោកជំទាវ ព្រមទាំងឯកឧត្តម ស សុខា និងលោកជំទាវ បានអញ្ចើញមកសំណេះសំណាល និងអាហារសាមគ្គីជាមួយក្មួយៗ កុមារកំព្រា និងអ្នកមើលថែ ព្រមទាំងបានចែកជូនសម្ភារៈ ដល់ក្មួយៗ និងសម្ភារៈសម្រាប់ឧបត្ថម្ភដល់មណ្ឌលកុមារកំព្រាទាំង៣ ក្នុងខេត្តព្រៃវែង៕សិដ្ឋ
ប្រភព៖រដ្ឋបាលខេត្តព្រៃវែង
