ថ្នាក់ដឹកនាំខេត្តបន្ទាយមានជ័យ អញ្ជើញបើកសម្ពោធស្ដង់ពិព័រណ៌បង្ហាញផលិតផល «ភូមិមួយ ផលិតផលមួយ»
ខេត្តបន្ទាយមានជ័យ ៖ នៅថ្ងៃទី១០ ខែវិច្ឆិកា ឆ្នាំ២០២៣ ឯកឧត្តម ប្លែក វ៉ារី ប្រធានក្រុមប្រឹក្សាខេត្តបន្ទាយមានជ័យ, ឯកឧត្ដម អ៊ុ រាត្រី អភិបាល នៃគណៈអភិបាលខេត្តបន្ទាយមានជ័យ និងលោកជំទាវ បានអញ្ជើញកាត់ខ្សែបូ និងទស្សនាការតាំងបង្ហាញផលិតផល «ភូមិមួយផលិតផលមួយ» ដើម្បីអបអរសាទរ ព្រះរាជពិធីបុណ្យអុំទូក អកអំបុក បណ្ដែតប្រទីប និងសំពះព្រះខែ ឆ្នាំ២០២៣ នៅសួនមានជ័យ។
នាឱកាសនោះ ឯកឧត្ដម អ៊ុ រាត្រី បានសម្តែងនូវការអបអរសាទរ និងថ្លែងការអរគុណដល់អាជីវករ ម្ចាស់សិប្បកម្ម ផលិតកម្ម និងរដ្ឋបាលក្រុង/ស្រុក ដែលបាននាំយកផលិតផលរបស់ខ្លួនមកដាក់តាំងបង្ហាញ និងលក់ជូនប្រជាពលរដ្ឋក្នុងតម្លៃសមរម្យ។
សូមបញ្ជាក់ថា ការតាំងពិព័រណ៌នេះ មានការចូលរួមទស្សនាកម្សាន្តយ៉ាងច្រើនកុះករពីសំណាក់ ពុក ម៉ែ បងប្អូនប្រជាពលរដ្ឋ៕
ប្រភព ៖ រដ្ឋបាលខេត្តបន្ទាយមានជ័យ
