នៅថ្ងៃអង្គារ ទី១៩ ខែកញ្ញា ឆ្នាំ២០២៣ លោក អន សុធារិទ្ធ អភិបាលរង នៃគណៈអភិបាលខេត្តកោះកុង និងជាអនុប្រធានគណៈកម្មាធិការរៀបចំ និងគ្រប់គ្រងទីលានទុកដាក់សំរាម សំណល់រឹងទីប្រជុំជនខេត្តកោះកុង បានអញ្ជើញដឹកនាំក្រុមការងារខេត្ត និងអាជ្ញាធរពាក់ព័ន្ធ ចុះពិនិត្យទីតាំងដីដែលរដ្ឋបាលស្រុកស្រែអំបិល បានត្រៀមសម្រាប់រៀបចំទីលានទុកដាក់សំរាម សំណល់រឹងទីប្រជុំជនរបស់ស្រុក មានទំហំប្រមាណ ១៥០ហិកតា ដែលមានទីតាំងស្ថិតនៅភូមិបានទៀត ឃុំដងពែង ស្រុកស្រែអំបិល។ លោកអភិបាលរងខេត្ត បានស្នើឱ្យអាជ្ញាធរឃុំ ស្រុក ត្រូវរៀបចំសិក្សា ពិនិត្យផលប៉ះពាល់ និងចុះបញ្ជីដីនេះឱ្យបានលឿន ព្រោះថ្នាក់ជាតិមានគម្រោងរៀបចំទីតាំងដីនេះ ធ្វើជាទីលានទុកដាក់សំរាម សំណល់រឹងទីប្រជុំជនស្តង់ដារ សម្រាប់បម្រើដល់ស្រុកស្រែអំបិល ស្រុកបូទុមសាគរ ខេត្តកោះកុង និងស្រុកកំពង់សិលា នៃខេត្តព្រះសីហនុ៕ ប្រភព៖ រដ្ឋបាលខេត្តកោះកុង