ខេត្តតាកែវ ៖ នៅថ្ងៃទី២៣ ខែសីហា ឆ្នាំ២០២៣ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញចូលរួមជាអធិបតីភាព ក្នុងពិធីអបអរសាទរសមិទ្ធផលរបស់សហគមន៍ និងពិធីបិទបញ្ចប់គម្រោងរបស់ អង្គការទស្សនៈពិភពលោកអន្តរជាតិនៅកម្ពុជា រយៈពេល ១៥ឆ្នាំ ប្រចាំនៅមូលដ្ឋានឃុំស្លា និងឃុំជំរះពេន ស្រុកសំរោង ដែលពិធីនេះបានរៀបចំធ្វើឡើងនៅបរិវេណសាលាបឋមសិក្សាដំរីយកទឹក។ ពិធីនេះ ក៏មានការអញ្ជើញចូលរួមដោយតំណាងអង្គការទស្សនៈពិភពលោក លោក-លោកស្រី តំណាងមន្ទីរអង្គភាពពាក់ព័ន្ធ លោក កេត ម៉ៅ អភិបាលស្រុកសំរោង លោក-លោកស្រី អភិបាលរងស្រុក មន្រ្តីរាជការចំណុះរដ្ឋបាលស្រុក អាជ្ញាធរមូលដ្ឋានភូមិឃុំ ប្រជាពលរដ្ឋ និងសិស្សានុសិស្សជាច្រើនកុះករ៕ ប្រភព ៖ រដ្ឋបាលខេត្តតាកែវ