ព្រឹកថ្ងៃពុធ ទី២៦ ខែកក្កដា ឆ្នាំ២០២៣ ឯកឧត្តម ហឿ  ស៉ីយ៉ែម ប្រធានក្រុមប្រឹក្សាខេត្ត  និង ឯកឧត្តម វ៉ា ថន អភិបាលខេត្តក្រចេះ  អញ្ចើញដឹកនាំកិច្ចប្រជុំសាមញ្ញលើកទី៥០ អាណត្តិទី៣ ឆ្នាំទី៥ របស់ក្រុម​ប្រឹក្សាខេត្ត  ។

ក្នុងឱកាសនោះ ឯកឧត្តម ហឿ ស៉ីយ៉ែម ប្រធានក្រុមប្រឹក្សាខេត្តក្រចេះបានមានប្រសាសន៍  កោតសរសើរ និងថ្លែងអំណរគុណចំពោះ អាជ្ញាធរដែនដីគ្រប់លំដាប់ថ្នាក់ មន្ត្រីរាជការ កងកម្លាំងទាំ​ង៣ និងបងប្អូនប្រជាពលរដ្ឋនៅក្នុងខេត្តក្រចេះទាំងមូល ដែលបានអញ្ជើញទៅបោះឆ្នោត  ដើម្បីបំពេញកាតព្វកិច្ចជាពលរដ្ឋល្អ  ជាពិសេសអាជ្ញាធរគ្រប់ជាន់ថ្នាក់  ដែលបានចូលរួមថែរក្សាការពារ សន្តិសុ​ខសណ្ដាប់ធ្លាប់  ទាំងក្នុងអំឡុងរយៈពេលនៃឃោសនា ។

ឯកឧត្តម  ហឿ  ស៊ីយ៉ែម បានបន្ដថា  មកទល់ថ្ងៃទី២៦  ខែកក្កដា ឆ្នាំ២០២៣នេះ  ខេត្តក្រចេះ  មិនមានពាក្យបណ្ដឹងពាក់ព័ន្ធនិងការបោះឆ្នោតនោះទេ  មានន័យថាគ្រប់គណបក្សនបាយ  ក៏ដូចជាអ្នកអង្កេតការជាតិ និងអន្តរជាតិទទួលយកការរៀបចំបោះឆ្នោតនៅកម្ពុជា  ហើយ​យនៅតែ៣៤ថ្ងៃទៀត តែប៉ុណ្ណោះលទ្ធបោះឆ្នោតជ្រើសតាំងតំណាងរាស្រ្ដផ្លូវការ និងប្រកាសជាសាធារណៈ។

នៅក្នុងឱកាសនោះក៏មានពិធីប្រកាសទទួលស្គាល់សមាជិកក្រុមប្រឹក្សាខេត្តក្រចេះថ្មី គឺឯកឧត្តម ឡឹង សុខជា ជំនួសឯកឧត្តម ឈា ផល្លី ដែលបានដាក់ពាក្យលាឈប់ពីតំណែងការងារជាសមាជិ​កក្រុមប្រឹក្សាខេត្តក្រចេះ៕

ប្រភព៖ រដ្ឋបាលខេត្តក្រចេះ