រដ្ឋបាលខេត្តកណ្ដាល បើកវគ្គបណ្ដុះបណ្ដាល ស្ដីពីតួនាទី ភារកិច្ចស្មៀន និងការរៀបចំលិខិតរដ្ឋបាល ឃុំ សង្កាត់
April 26, 2023 អ្នកទស្សនា :

ខេត្តកណ្តាល៖ នៅថ្ងៃទី២៥ ខែមេសា ឆ្នាំ២០២៣នេះ រដ្ឋបាលខេត្តកណ្ដាល បានបើកវគ្គបណ្ដុះបណ្ដាល ស្ដីពីតួនាទី ភារកិច្ចស្មៀន និងការរៀបចំលិខិតរដ្ឋបាល ឃុំ សង្កាត់ ក្រោមអធិបតីភាព ឯកឧត្ដម ឌឹម ប៉ូរ៉ា អភិបាលរងខេត្តកណ្ដាល ដែលពិធីនេះប្រារព្ធធ្វើឡើងនៅសាលាខេត្តកណ្ដាល។

នាឱកាសនោះ ឯកឧត្ដម ឌឹម ប៉ូរ៉ា អភិបាលរងខេត្តកណ្ដាល បានថ្លែងថា រដ្ឋបាលខេត្តកណ្ដាល តែងតែគិតគូរ និងយកចិត្តទុកដាក់ខ្ពស់ ក្នុងការបណ្តុះបណ្តាលពង្រឹងសមត្ថភាពមន្ត្រី តាមរយៈការបើកវគ្គសិក្សាជាច្រើន ដែលរៀបចំដោយទីចាត់ការគ្រប់គ្រងធនធានមនុស្សខេត្ត ដោយផ្អែកលើផែនការសកម្មភាព និងថវិកាអភិវឌ្ឍសមត្ថភាពរបស់រដ្ឋបាលខេត្តកណ្ដាល។ ហេតុនេះសូមមន្ត្រីពាក់ព័ន្ធទាំងអស់ ត្រូវត្រៀមខ្លួនទទួលយកការបណ្តុះបណ្តាល និងការអភិវឌ្ឍសមត្ថភាពជាបន្តបន្ទាប់ទៀត។

ឯកឧត្ដម បានផ្តាំផ្ញើដល់សិក្ខាកាមដែលជាស្មៀនឃុំទាំងអស់ សូមយកចិត្តទុកដាក់ត្រងត្រាប់ស្តាប់ នូវការពន្យល់បកស្រាយរបស់គ្រូឧទ្ទេស ព្រមទាំងចូលរួមឱ្យបានសកម្មក្នុងវគ្គបណ្តុះបណ្តាលនេះ ដើម្បីយកចំណេះដឹង និងបទពិសោធន៍ ទៅអនុវត្តឱ្យមានប្រសិទ្ធភាព និងប្រសិទ្ធផលខ្ពស់ក្នុងឃុំរបស់ខ្លួន ឱ្យមានលក្ខណៈ ឯកភាពគ្នា និងស្របគ្នាចំពោះកិច្ចការរដ្ឋបាល។

សូមបញ្ជាក់ថា វគ្គបណ្តុះបណ្តាលនេះមានរយៈពេល ២ថ្ងៃ ដោយមានសិក្ខាកាមជាស្មៀនឃុំ អញ្ជើញមកពីរដ្ឋបាលស្រុកចំនួន៥ រួមមាន ស្រុកខ្សាច់កណ្ដាល ល្វាឯម កោះធំ ស្អាង និងស្រុកកៀនស្វាយ សរុប ៨៨នាក់៕

ប្រភព ៖ រដ្ឋបាលខេត្តកណ្ដាល

ព័ត៌មានទាក់ទង
ច្បាប់នឹងឯកសារថ្មីៗ
MINISTRY OF INTERIOR

ក្រសួងមហាផ្ទៃមានសមត្ថកិច្ច ដឹកនាំគ្រប់គ្រងរដ្ឋបាលដែនដី គ្រប់ថ្នាក់ លើវិស័យ រដ្ឋបាលដឹកនាំគ្រប់គ្រង នគរបាលជាតិ ការពារសន្តិសុខសណ្តាប់ធ្នាប់សាធារណៈ និងការពារសុវត្ថិភាព ជូនប្រជាពលរដ្ឋ ក្នុងព្រះរាជាណាចក្រកម្ពុជា។

ទាញយកកម្មវិធី ក្រសួងមហាផ្ទៃ​ទៅ​ក្នុង​ទូរស័ព្ទអ្នក
App Store  Play Store
023721905 023726052 023721190
#275 ផ្លូវព្រះនរោត្តម, ក្រុងភ្នំពេញ
ឆ្នាំ២០១៧ © រក្សាសិទ្ធិគ្រប់យ៉ាងដោយ ក្រសួងមហាផ្ទៃ