នាព្រឹកថ្ងៃពុធ ១៥កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៤ ខែតុលា ឆ្នាំ២០១៨នេះ ដោយអនុវត្តន៍តាមផែនការនែនាំរបស់ក្រសួងមហាផ្ទៃ អគ្គស្នងការដ្ឋាននគរបាលជាតិ និងស្នងការនគរបាលខេត្ត សមាជិកចុះជួយសង្កាត់អូរក្រសារ ក្រុងកែប អាជ្ញាធរមូលដ្ឋាន និងប៉ុស្តិ៍រដ្ឋបាលសាមុី បានធ្វើការផ្សព្វផ្សាយគោលនយោបាយភូមិ ឃុំមានសុវត្ថិភាពចំនួន២លើក ដល់ប្រជាពលរដ្ឋក្នុងមូលដ្ឋានដែលមានអ្នកចូលរួមចំនួន៤៨០នាក់។ ក្នុងពិធីទាំងពីរលើកខាងលើអ្នកចូលរួមបានស្តាប់នូវការពន្យល់ស្តីពីផលប្រយោជន៍នៃសេវាច្រកចេញចូលតែមួយនៅតាមឃុំ សង្កាត់ដែលមានភាពងាយស្រួលក្នុងការបំរើសេវាសាធារណ:ជូនប្រជាជនក្នុងមូលដ្ឋានក្នុងខេត្ត។ ជាមួយគ្នានោះដែរ អ្នកចូលរួមក៏បានស្តាប់នូវការអំពាវនាវអំពីវិធានការណ៍ បង្ការ ទប់ស្កាត់បទល្មើសព្រហ្មទណ្ឌ័,ការប្រើប្រាស់ ជួញដូរគ្រឿងញៀនខុសច្បាប់, ការគោរពអនុវត្តន៍ច្បាប់ចរាចរណ៍ផ្លូវគោកនិងអំពើល្មើសច្បាប់ផ្សេងៗផងដែរ៕ រតនា
ប្រភព៖ ស្នងការនគរបាលខេត្តកែប
