នាព្រឹកថ្ងៃសៅរ៍ ១១កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២០ខែតុលា ឆ្នាំ២០១៨ រដ្ឋបាលខេត្តកែបបានសម្ពោធស្តូបមិត្តភាពកម្ពុជា~វៀតណាម និងសមិទ្ធផលមួយចំនួនរបស់ខេត្តកែប ដាក់ឱ្យប្រើប្រាស់ជាផ្លូវការ ក្រោមអធិបតីលោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច តំណាងដ៏ខ្ពង់ខ្ពស់ សម្តេចអគ្គមហាពញ្ញាចក្រី ហេង សំរិន ប្រធានរដ្ឋសភា និងជាប្រធានក្រុមប្រឹក្សាជាតិរណសិរ្សសាមគ្គីអភិវឌ្ឍន៍មាតុភូមិកម្ពុជា។ ពិធីនេះក៏មានការអញ្ជើញចូលរួម ពីឯកឧត្តម លោកជំទាវ គណ:ប្រតិភូ ឯកឧត្តម លោកជំទាវអមដំណើរ ឯកឧត្តម លោកជំទាវជាថ្នាក់ដឹកនាំខេត្ត មន្ត្រីរាជការ កងកំលាំងប្រដាប់អាវុធ មន្ទីរអង្គភាពជុំវិញខេត្ត ព្រះសង្ឃ សិស្សានុសិស្ស និងប្រជាពលរដ្ឋប្រមាណជាង១,៥០០នាក់។
សូមបញ្ជាក់ថា ស្តូបមិត្តភាពកម្ពុជា~វៀតណាម និងសមិទ្ធផល ដែលសម្ពោធនាពេលនេះគឺមានទីតាំង ស្ថិតនៅសួនច្បារសម្តេចតេជោ ហ៊ុន សែន វិមានឯករាជ្យ ក្រុងកែប ខេត្តកែប៕ គឹមអាន
ប្រភព៖ រដ្ឋបាលខេត្តកែប