ខេត្តស្វាយរៀងបើកសិក្ខាសាលាបង្កើតផែនការសកម្មភាពខេត្ត ស្ដីពីការផ្គត់ផ្គង់ទឹកស្អាត សុខភាព និងអនាម័យជនបទ ជំហ៊ានទី២
ឯកឧត្ដម តូច ប៉ូលីវ៉ា អភិបាលរង និងជាប្រធានក្រុមការងារបច្ចេកទេសវិស័យផ្គត់ផ្គង់ទឹកស្អាត និងអនាម័យជនបទថ្នាក់ខេត្តស្វាយរៀង (PWG-RWSSH) តំណាងឯកឧត្ដមអភិបាលខេត្ត បានអញ្ជើញចូលរួមក្នុងកម្មវិធីបើកសិក្ខាសាលាបង្កើតផែនការសកម្មភាពខេត្ត ស្ដីពីការផ្គត់ផ្គង់ទឹកស្អាត សុខភាព និងអនាម័យជនបទ ជំហ៊ានទី២ ឆ្នាំ ២០១៩-២០២៣ ដែលរៀបចំនៅមន្ទីរអភិវឌ្ឍន៍ជនបទខេត្ត នាព្រឹកថ្ងៃព្រហស្បតិ៍ ០៩កើត ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៨ ខែតុលា ឆ្នាំ២០១៨ម្សិលមិញនេះ។
ក្នុងសិក្ខាសាលានេះដែរ មានការអញ្ជើញចូលរួមពី ប្រតិភូតំណាងក្រសួងអភិវឌ្ឍន៍ជនបទ ប្រធាន អនុប្រធាន មន្ទីរជំនាញពាក់ព័ន្ធ តំណាងអាជីវករផ្គត់ផ្គង់ទឹកស្អាត និងអនាម័យជនបទ និងតំណាងអង្គការដៃគូអភិវឌ្ឍន៍នានាជុំវិញខេត្ត សរុបចំនួន ៧៦នាក់ ស្រី ២៦នាក់ ៕គឹមអាន
ប្រភព៖ រដ្ឋបាលខេត្តស្វាយរៀង
