ឯកឧត្ដម ហែម ពិសិដ្ឋ អភិបាលរង តំណាងឯកឧត្ដមអភិបាលខេត្ត ព្រមជាមួយលោក ខែម វិរៈ អគ្គនាយករង នៃវិទ្យាស្ថានស្តង់ដារកម្ពុជា អញ្ជើញជាអធិបតីក្នុងសិក្ខាសាលាស្តីពីការផ្សព្វផ្សាយច្បាប់ស្តីពីស្តង់ដារកម្ពុជា ច្បាប់ស្តីពីវិសោធនកម្មច្បាប់ស្តីពីស្តង់ដារកម្ពុជា និងបទប្បញ្ញត្តិបច្ចេកទេសពាក់ព័ន្ធនឹងផលិតផលម្ហូបអាហារ សម្ភារសំណង់ អគ្គិសនី អេឡិចត្រូនិច និងសារធាតុគីមី ដែលរៀបចំនៅសាលប្រជុំ មន្ទីរឧស្សាហកម្ម និងសិប្បកម្មខេត្តស្វាយរៀង នាថ្ងៃព្រហស្បតិ៍ ០៩កើត ខែអស្សុជ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៨ ខែតុលា ឆ្នាំ២០១៨ម្សិលមិញនេះ។
សិក្ខាសាលានេះសហការរៀបចំដោយមន្ទីរឧស្សាហកម្ម និងសិប្បកម្មខេត្តស្វាយរៀង និងវិទ្យាស្ថានស្តង់ដារ នៃក្រសួងឧស្សាហកម្ម និងសិប្បកម្ម ដោយមានការចូលរួមពីមន្ទីរ អង្គភាពពាក់ព័ន្ធក្នុងខេត្ត តំណាងរដ្ឋបាលក្រុង ស្រុកទាំង៨ តំណាងទីចាត់ការអន្តរវិស័យសាលាខេត្ត មន្ត្រីនៃមន្ទីរឧស្សាហកម្ម និងសិប្បកម្ម ម្ចាស់រោងចក្រ សហគ្រាសធុនតូចនិងមធ្យម សិប្បករ សេវាករ និងពាណិជ្ជករ សរុបចំនួន ៩២នាក់ ៕គឹមអាន
ប្រភព៖ រដ្ឋបាលខេត្តស្វាយរៀង
