អភិបាលរងខេត្តកំពង់ឆ្នាំង ចូលរួមវេទិកាផ្សព្វផ្សាយ និងពិគ្រោះយោបល់ស្តីពីការទទួលព័ត៌មានសាធារណៈពី អាជ្ញាធរមូលដ្ឋាន និងប្រជាពលរដ្ឋស្រុកជលគិរី
នាព្រឹកថ្ងៃព្រហស្បតិ៍ ៩កើត ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែតុលា ឆ្នាំ២០១៨ នៅស្រុក ជលគិរី ខេត្តកំពង់ឆ្នាំង បានរៀបចំវេទិកាផ្សព្វផ្សាយ និងពិគ្រោះយោបល់ស្តីពីការទទួលព័ត៌មាន សាធារណៈរបស់ អាជ្ញាធរដែនដី និងប្រជាពលរដ្ឋរបស់ក្រុមប្រឹក្សាខេត្តកំពង់ឆ្នាំង អាណត្តិទី២ ក្នុងគោលបំណង ស្វែងរកដំណោះ ស្រាយជូនដល់ប្រជាពលរដ្ឋ ដែលជួបប្រទះនាពេលកន្លងមក ក៏ដូចជាកង្វះខាតរបស់មន្រ្តីដែល បំរើប្រជាពលរដ្ឋ មិនបានទាន់ពេលវេលាផងដែរ។ វេទិកាផ្សព្វផ្សាយ និងពិគ្រោះយោបល់នេះ ប្រារព្ធឡើងក្រោម អធិបតីភាព លោក ជំទាវ ដោក សុទ្ធាប្រធានក្រុមប្រឹក្សាខេត្តកំពង់ឆ្នាំង និងឯកឧត្តម ស៊ុន សុវណ្ណារិទ្ធ អភិបាលរង ខេត្តកំពង់ឆ្នាំង និង មានការចូលរួមពីមន្ត្រីគ្រប់ជាន់ថ្នាក់ផងដែរ៕ អែមមី
ប្រភពៈ រដ្ឋបាលខេត្តកំពង់ឆ្នាំង
