អភិបាលខេត្តកំពង់ឆ្នាំង អញ្ជើញដឹកនាំកិច្ចប្រជុំត្រួតពិនិត្យរបាយការណ៍សមិទ្ធផលការងារសំខាន់ៗរយៈពេល ៥ឆ្នាំ របស់រដ្ឋបាលខេត្ត
នៅព្រឹកថ្ងៃទី២៣ ខែមករា ឆ្នាំ២០២៣ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង បានអញ្ជើញដឹកនាំកិច្ចប្រជុំត្រួតពិនិត្យរបាយការណ៍សមិទ្ធផលការងារសំខាន់ៗរយៈពេល ៥ឆ្នាំ របស់រដ្ឋបាលខេត្ត ដោយមានការចូលរួមពីអភិបាលរងខេត្ត នាយករដ្ឋបាលសាលាខេត្ត ព្រមទាំងប្រធានមន្ទីរមួយចំនួនទៀតផងដែរ។
កិច្ចប្រជុំនេះ រៀបចំឡើងដើម្បីត្រៀមដឹកនាំប្រតិភូខេត្ត ចូលរួមក្នុងសន្និសីទសារព័ត៌មាន ស្ដីពីភាពជោគជ័យក្នុងរយៈពេល ៥ឆ្នាំ កន្លងមក របស់រដ្ឋបាលខេត្តកំពង់ឆ្នាំង ដែលគ្រោងនឹងប្រព្រឹត្តទៅនៅថ្ងៃទី២៦ ខែមករា ឆ្នាំ២០២៣ ខាងមុខនេះ នៅទីស្ដីការគណៈរដ្ឋមន្ត្រី៕
ប្រភព៖ រដ្ឋបាលខេត្តកំពង់ឆ្នាំង
