ថ្ងៃព្រហស្បតិ៍ ០៩កើត ខែអស្សុជ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១៨ ខែតុលា ឆ្នាំ២០១៨ នៅសាលប្រជុំសាលាខេត្តកោះកុង សមាគមជាតិក្រុមប្រឹក្សារាជធានី ខេត្តបានរៀបចំវគ្គបណ្ដុះបណ្ដាល ដល់ក្រុមប្រឹក្សាខេត្តកោះកុង ខេត្តកំពង់ស្ពឺ និងខេត្តព្រះសីហនុ នូវវគ្គបណ្ដុះបណ្ដាលស្ដីពី "គោលការណ៍ជាសកល នៃអភិបាលកិច្ចល្អ ការតម្រង់ទិសសមាជិកក្រុមប្រឹក្សាទើបចូលកាន់តំណែងថ្មី"។
វគ្គបណ្ដុះបណ្ដាលនេះដែលផ្ដោតសំខាន់ទៅលើចំណុចសំខាន់មួយចំនួនរួមមាន៖ ១-កំណត់ពីលក្ខណៈនៃសង្គមដ៏ល្អ និងតួនាទី នៃតួអង្គផ្សេងៗនៅក្នុងការបង្កើតសង្គមល្, ២-ការយល់ដឹងពីអភិបាលកិច្ចល្អ, ៣-បង្កើនការយល់ដឹងពីតួអង្គសំខាន់ៗនៅក្នុងការលើកកម្ពស់អភិបាលកិច្ចល្អ និងទស្សនាទានអភិបាលកិច្ចតាមបែបប្រជាធិបតេយ្យ, ៤-និយមន័យគណនេយ្យភាព និងគណនេយ្យភាពសង្គម, ៥-ការបង្កើតការយល់ដឹងពីក្របខ័ណ្ឌអនុវត្តគណនេយ្យភាពសង្គមនៅកម្ពុជា៕សិដ្ឋ
ប្រភព៖ រដ្ឋបាលខេត្តកោះកុង