តាកែវ៖ នៅថ្ងៃពុធ ទី១៨ ខែមករា ឆ្នាំ២០២៣នេះ ឯកឧត្តម អ៊ូច ភា អភិបាលខេត្តតាកែវ និងឯកឧត្តមបណ្ឌិត កែវ អូម៉ាលីស្ស ប្រតិភូរាជរដ្ឋាភិបាលកម្ពុជាទទួលបន្ទុកជាប្រធានរដ្ឋបាលព្រៃឈើ បានអញ្ជើញជាអធិបតីក្នុងពិធីប្រជុំផ្សព្វផ្សាយ និងណែនាំពីការទន្ទ្រានដីព្រៃឈើខុសច្បាប់ នៅតំបន់ដីសហគមន៍ព្រៃឈើត្រពាំងធំខាងត្បូង ក្នុងស្រុកត្រាំកក់ ខេត្តតាកែវ។

មានប្រសាសន៍ក្នុងឱកាសនោះដែរ ឯកឧត្តម អ៊ូច ភា និងឯកឧត្តមបណ្ឌិត កែវ អូម៉ាលីស្ស ក៏បានធ្វើការណែនាំទៅដល់ប្រជាពលរដ្ឋ និងអាជ្ញាធរមូលដ្ឋាន ត្រូវរួបរួមគ្នាការពារតំបន់ព្រៃឈើសហគមន៍របស់ខ្លួន ឱ្យបានគង់វង្សជានិច្ចនិរន្តរ៍ ពោលត្រូវការពារមិនឱ្យមានជនខិលខូចយកមកធ្វើជាកម្មសិទ្ធិឡើយ ព្រោះទីតាំងតំបន់សហគមន៍ព្រៃឈើត្រពាំងធំខាងត្បូងនេះ អនាគតប្រាកដជាក្លាយជាតំបន់ទេសចរណ៍ដ៏ទាក់ទាញ ក្នុងនោះបងប្អូនក្នុងសហគមន៍ និងទទួលបានផលប្រយោជន៍សម្រាប់ច្រើនពីព្រៃឈើសគមន៍នេះផ្ទាល់តែម្តង៕

ប្រភព៖ រដ្ឋបាលខេត្តតាកែវ