រដ្ឋបាលខេត្តកំពង់ឆ្នាំង៖ នៅព្រឹកថ្ងៃទី១៧ ខែមករា ឆ្នាំ២០២៣ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង អញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត និងលើកទិសដៅអនុវត្តន៍ការងារបន្ត ដោយមានការអញ្ជើញចូលរួមពី អភិបាលរងខេត្ត នាយករងរដ្ឋបាលសាលាខេត្ត ថ្នាក់ដឹកនាំកងកម្លាំង មន្ទីរអង្គភាព អភិបាលក្រុង ស្រុក និងមន្ត្រីពាក់ព័ន្ធមួយចំនួនទៀតផងដែរ។

កិច្ចប្រជុំនេះបានពិភាក្សា និងជម្រុញការងាររៀបចំកងកម្លាំងសមត្ថកិច្ច សម្រាប់ត្រៀមការពារសន្តិសុខនៅតាមការិយាល័យបោះឆ្នោតទូទាំងខេត្ត ការងារត្រួតពិនិត្យរបាយការណ៍ ស្ដីពីសមិទ្ធផលសម្រេចបានរយៈពេល ៥ឆ្នាំរបស់រដ្ឋបាលខេត្ត ការងារជំរុញការចាក់វ៉ាក់សាំងការពារជំងឺកូវីដ-១៩ និងការងារសំខាន់ៗមួយចំនួនទៀត៕

ប្រភព៖ រដ្ឋបាលខេត្តកំពង់ឆ្នាំង