ខេត្តតាកែវ៖ នារសៀលថ្ងៃទី១៧ ខែមករា ឆ្នាំ២០២៣ ឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានដឹកនាំក្រុមការងារ និងមន្រ្តីជំនាញ ចុះពិនិត្យស្ថានភាពជំនន់ទឹកភ្លៀង បណ្ដាលឱ្យជន់លិចដំណាំស្រូវ ឬផលដំណាំផ្សេងៗរបស់ប្រជាកសិករ ក្នុងភូមិសាស្ត្រក្រុងដូនកែវ ស្រុកទ្រាំង ស្រុកសំរោង និងស្រុកអង្គរបូរី ប្រមាណជា ១ម៉ឺនហិកតា។

ក្នុងឱកាសនោះដែរ ឯកឧត្តម អ៊ូច ភា អភិបាលខេត្តតាកែវ បានសម្ដែងការចូលរួមសោកស្ដាយចំពោះការជន់លិចផលដំណាំស្រូវរបស់ពលរដ្ឋ ដោយសារជំនន់ទឹកភ្លៀងជាយថាហេតុ កើតឡើងពីគ្រោះធម្មជាតិនេះ។

ឯកឧត្តមអភិបាលខេត្ត បានណែនាំដល់អាជ្ញាធរពាក់ព័ន្ធ និងមន្រ្តីជំនាញទាំងអស់ ត្រូវចុះពិនិត្យមើលផ្ទាល់ ជាមួយប្រជាកសិករ ដើម្បីឱ្យបានដឹងច្បាស់ពីផលប៉ះពាល់ នៃការខូចខាតផលដំណាំរបស់ប្រជាកសិករ និងត្រូវរាយការណ៍ផ្ទាល់ៗមកអាជ្ញាធរ និងមន្ត្រីជំនាញ ដើម្បីមានវិធានការទាន់ពេលវេលា៕

ប្រភព៖ រដ្ឋបាលខេត្តតាកែវ