នៅព្រឹកថ្ងៃទី១៦ ខែមករា ឆ្នាំ២០២៣ ឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង បានអញ្ជើញដឹកនាំកិច្ចប្រជុំត្រួតពិនិត្យវឌ្ឍនភាពការងារលើវិស័យទឹកស្អាត បរិស្ថាន និងអនាម័យជនបទ ជាពិសេសការអនុវត្តផែនការជំរុញឱ្យប្រជាពលរដ្ឋ នៅគ្រប់ភូមិ-ឃុំ ទូទាំងខេត្ត បញ្ចប់ការបន្ទោបង់ពាសវាលពាសកាល ដើម្បីលើកកម្ពស់សុខមាលភាពសាធារណៈ អនាម័យក្នុងគ្រួសារ ទប់ស្កាត់បាននូវជម្ងឺដង្កាត់ផ្សេងៗ និងសម្រេចឱ្យបានការប្រកាសទទួលស្គាល់ខេត្តកំពង់ឆ្នាំងជាផ្លូវការ ថាជាខេត្តបញ្ចប់ការបន្ទោបង់ពាសវាលពាសកាល (ODF) ស្របតាមគោលនយោបាយរបស់រាជរដ្ឋាភិបាល។ 

កិច្ចប្រជុំមានការចូលរួមពី ឯកឧត្តម អម សុភា អភិបាលរងខេត្ត នាយករងរដ្ឋបាលសាលាខេត្ត ប្រធាន អនុប្រធានមន្ទីអភិវឌ្ឍន៍ជនបទ អភិបាល អភិបាលរងស្រុក ក្រុង មន្ត្រីជំនាញ និងតំណាងអង្គការដៃគូអភិវឌ្ឍន៍ពាក់ព័ន្ធ៕

ប្រភព៖ រដ្ឋបាលខេត្តកំពង់ឆ្នាំង