លោកជំទាវ មិថុនា ភូថង អញ្ជើញជួបសំណេះសំណាលជាមួយក្រុមកីឡាករ ដែលទទួលបានមេដាយ ក្នុងព្រឹត្តិការណ៍កីឡាជាតិលើកទី៣ ឆ្នាំ២០២២
នាថ្ងៃសុក្រ ទី១៣ ខែមករា ឆ្នាំ២០២៣ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជួបសំណេះសំណាលជាមួយក្រុមកីឡាករ ដែលទទួលបានមេដាយ ក្នុងព្រឹត្តិការណ៍កីឡាជាតិលើកទី៣ ឆ្នាំ២០២២។
លោកជំទាវអភិបាលខេត្ត បានលើកឡើងថា ខេត្តកោះកុងកំពុងតែមានការអភិវឌ្ឍលើគ្រប់វិស័យ ដោយឡែក វិស័យកីឡាក៏ទទួលបានការគាំទ្រ និងទទួលបានលទ្ធផលដ៏ល្អប្រសើរ ជាក់ស្តែង ថ្ងៃនេះកីឡាបាល់ទាត់ទទួលបានមេដាយមាស២ មេដាយប្រាក់៤ និងមេដាយសំរឹទ្ធ ៥គ្រឿង ទាំងនេះគឺជាការខិតខំទាំងកីឡាករ និងគ្រូបង្វឹក។ លោកជំទាវ មិថុនា ភូថង សង្ឃឹមថាកីឡាករទាំងអស់ នឹងបង្កើនការហ្វឹកហាត់បន្ថែមទៀត ដើម្បីចូលរួមប្រកួតនានាបន្តទៀតផងដែរ៕
ប្រភព៖ រដ្ឋបាលខេត្តកោះកុង
