ព្រឹកថ្ងៃទី៩ ខែសីហា ឆ្នាំ២០១៧ ឯកឧត្តម ជា សុមេធី អភិបាល ខេត្តព្រៃវែង ព្រមទាំងលោក ប្រធានមន្ទីរ អភិបាលស្រុក និងសហការី បានចុះទៅសួរសុខទុក្ខ លោកយាយ លោកតា បងប្អូនប្រជាពលរដ្ឋ ដែលរងគ្រោះដោយសារទឹកទន្លេមេគង្គឡើង លិចលំនៅដ្ឋានរបស់ពួកគាត់តាមខ្នងផ្ទះ ជាបឋម នៅភូមិជ័យក្រោម ឃុំរាធរ ស្រុកព្រះស្តេច ខេត្តព្រៃវែង ។ ឆ្លៀតឱកាសនេះដែរ ឯកឧត្តម អភិបាលខេត្ត និងប្រជាពលរដ្ឋ នៅឃុំរាធរ ទាំងអស់ សូមថ្លែងអំណរគុណ ចំពោះសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្រ្តី ក្រសួងមហាផ្ទៃ ដែលបាន ផ្តួចផ្តើមក្នុងការកសាងផ្លូវ ពីចំណុចឃុំកំពង់សឹង រហូត ដល់ផ្សារដីក្រហម ឃុំរាធរ ក្នុងការធ្វើចរាចរណ៌ ក៏ដូចជាទីទួល សុវត្ថិភាព សំរាប់ប្រជាពលរដ្ឋ និងសត្វពាហនៈ ផងដែរ។ បន្ទាប់ មក ឯកឧត្តម អភិបាលខេត្ត និងក្រុមការងារ បានចុះពិនិត្យចំការក្រូចពោធិសាត់ របស់កសិករគំរូ នៅស្រុកបាភ្នំ ខេត្តព្រៃវែង។
ប្រភពព័ត៌មាន: រដ្ឋបាលខេត្តព្រៃវែង ( ថ្ងៃទី ០៩ ខែសីហា ឆ្នាំ២០១៧ )
