ឯកឧត្តម កែន សត្ថា អភិបាលខេត្តកែប បានមានប្រសាសន៍ថា កងកម្លាំងទាំងអស់ ត្រូវយកចិត្តទុកដាក់អនុវត្តន៏ តាមការណែនាំចង្អុលបង្ហាញ តម្រង់ទិសរបស់ប្រធានអង្គភាព និងគណៈបញ្ជាការឯកភាពរដ្ឋបាលខេត្តឲ្យបានម៉ឺងម៉ាត់ ដើម្បីបន្តការការពារសន្តិសុខ សុវត្ថិភាព សណ្ដាប់ធ្នាប់ ជូនភ្ញៀវទេសចរណ៍ និងប្រជាពលរដ្ឋ នៅលើកោះ ដែលជារមណីដ្ឋានដ៏មានប្រជាប្រិយភាពរបស់ខេត្ត ដែលវាជាកត្តាដ៏សំខាន់សម្រាប់ទាក់ទាញទេសចរណ៍ជាតិ អន្តរជាតិបានកាន់ច្រើនបនកថែមទៀត។
ឯកឧត្តមអភិបាលខេត្ត មានប្រសាសន៍បែបនេះក្នុងឱកាសដែល ឯកឧត្តម ព្រមទាំងលោកស្នងការនគរបាលខេត្តកែប និងប្រតិភូអមដណើរជាច្រើន នៅព្រឹកថ្ងៃពុធ ០១កើត ខែអស្សុជ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី១០ ខែតុលា ឆ្នាំ២០១៨ អញ្ជើញចុះសួរសុខទុក្ខកងកម្លំាងនគរបាលខេត្តចុះប្រចាំការ រក្សាសន្តិសុខ សណ្តាប់ធ្នាប់នៅ រមណីយដ្ឋានកោះទន្សាយ។
ជាមួយគ្នានោះដែរ ឯកឧត្តមអភិបាលខេត្តបាន នាំយកថវិកាចំនួន ៥00,000រៀល, អង្ករ៣បាវ,ទឹកសុទ្ធ១៦យួរ, មី១៣កេស, ទឹកក្រូច៥កេស, ទឹកត្រី៥យួរ, ទឹកសុី៥យួរ, ទឹកដោះគោ២កេស, ទឹកត្រី៥យួរ និងអាវការពារ៦អាវ ផ្តល់អោយកងកម្លំាងនគរបាលប្រចាំការនៅរមនីយដ្ឋានកោះទន្សាយផងដែរ៕ គឹមអាន
ប្រភព៖ រដ្ឋបាលខេត្តកែប