រដ្ឋបាលខេត្តសៀមរាប ដឹកនាំក្រុមយុវជនចូលរួមដាំកូនឈើ និងឫស្សី នៅស្រុកវារិន
នៅថ្ងៃសុក្រ ១១រោច ខែភទ្របទ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៥ ខែតុលា ឆ្នាំ២០១៨នេះ លោក ទៀ សីហា អភិបាលរងខេត្តសៀមរាប និងជាប្រធានសហភាពសហព័ន្ធយុវជនខេត្តសៀមរាប បានដឹកនាំក្រុមយុវជនចូលរួមក្នុងពិធីស្តារព្រៃឈើ និងផែនទេសភាពជាមួយប្រជាសហគមន៍នៅស្រុកវារិន ខេត្តសៀមរាប។
ពិធីនេះត្រូវបានសហការរៀបចំដោយមន្ទីរបរិស្ថានខេត្តសៀមរាប រដ្ឋបាលខណ្ឌព្រៃឈើខេត្តសៀមរាប និងអង្គការស្បៀង និងកសិកម្មនៃសហប្រជាជាតិ (FAO)៕
ក្នុងពិធីនេះដែរ លោក អភិបាលរងខេត្ត និងក្រុមការងារ បានដាំកូនឈើ និងឫស្សីបន្ថែមចំនួន ២៨,៣៩១ ដើម លើផ្ទៃដីចំនួន ៨ហិចតា នៅក្នុងតំបន់ទីជម្រាលឃុំល្វាក្រាំង ស្រុកវ៉ារិន ខេត្តសៀមរាប ដើម្បីជាប្រយោជន៍សម្រាប់ទ្រទ្រង់ដល់ប្រព័ន្ធអេកូឡូស៊ី និងជីវភាពរស់នៅរបស់ប្រជាកសិករតាមជនបទ។ អែមមី
ប្រភព៖ រដ្ឋបាលខេត្តសៀមរាប
