ព្រឹកថ្ងៃទី៥ ខែសីហា ឆ្នាំ២០១៧ ឯកឧត្តម ជា សុមេធី អភិបាលខេត្តព្រៃវែង និងឯកឧត្តម សមាជិកក្រុមប្រឹក្សាខេត្ត លោកប្រធានមន្ទីរ និងលោកអភិបាលស្រុក ព្រមទាំងសហការី បានចូលរួមពិនិត្យ សកម្មភាព ព្យាបាលជំងឺ(ជំនាញធ្មេញ-ភ្នែក) របស់ក្រុមគ្រូពេទ្យស្ម័គ្រចិត្ត សម្តេចក្រឡាហោម ស ខេង ពិនិត្យ និងព្យាបាលជម្ងិឺ ដោយឥតគិតថ្លៃ ជូនបងប្អូនប្រជាពលរដ្ឋ នៅឃុំព្រៃកន្លោង ស្រុកពោធិ៍រៀង ខេត្តព្រៃវែង ។ បន្ទាប់មក ឯកឧត្តម អភិបាលខេត្ត និងក្រុមការងារ គ្រូពេទ្យស័្មគ្រចិត្តចល័តរបស់សម្តេចក្រឡាហោម ស ខេង បានចុះពិនិត្យ និងព្យាបាលជម្ងិឺ ដល់ខ្នងផ្ទះ នៅឃុំពោធិ៍រៀង ស្រុកពោធិ៍រៀង ខេត្តព្រៃវែង។ ជាថ្មីម្តងទៀត ឯកឧត្តម អភិបាលខេត្ត និងបងប្អូ ប្រជាពលរដ្ឋក្នុងស្រុកពោធិ៍រៀង សូមថ្លែងអំណរគុណយ៉ាងជ្រាលជ្រៅបំផុត ចំពោះឯកឧត្តម ម៉ៅ ប៊ុនណារិន អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ ក្រសួងមហាផ្ទៃ និងក្រុមការងារ ជាពិសេសក្រុមគ្រូពេទ្យស័្មគ្រចិត្ត របស់សម្តេចក្រឡាហោម ស ខេង ដែលតែងតែគិតគូរសុខទុក្ខប្រជាពលរដ្ឋ និងមកព្យាបាលជំងឺ ជូនប្រជាពលរដ្ឋ ដោយឥតគិតថ្លៃ ។ ប្រភពព័ត៌មាន: រដ្ឋបាលខេត្តព្រៃវែង (ថ្ងៃទី ០៥ ខែសីហា ឆ្នាំ២០១៧)