ពូជកូនឈើហូបផ្លែចំនួន ៧០០ដើម ត្រូវបានអាជ្ញាធរខេត្តមណ្ឌលគិរី ចែកជូនប្រជាកសិករ និងអតីតយុទ្ធជនចំនួន ១០០គ្រួសារ នៅក្រុងសែនមនោរម្យ
មណ្ឌលគិរី៖ នារសៀលថ្ងៃច័ន្ទ ទី២៩ ខែសីហា ឆ្នាំ២០២២ ឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី បានអញ្ជើញជាអធិបតីក្នុងពិធីចែកពូជកូនឈើហូបផ្លែចំនួន ៧០០ដើម ដល់ប្រជាកសិករ និងអតីតយុទ្ធជនចំនួន ១០០គ្រួសារ នៅក្នុងក្រុងសែនមនោរម្យ និងតាមបណ្តាស្រុកមួយចំនួន។
ពិធីនេះ មានការចូលរួមពីសំណាក់លោក លោកស្រី អភិបាលរងខេត្ត កងកម្លាំងប្រដាប់អាវុធទាំងបី ថ្នាក់ដឹកនាំមន្ទីរអង្គភាពជុំវិញខេត្ត អភិបាលក្រុង ចៅសង្កាត់ មន្ត្រីនៃមន្ទីរកសិកម្ម រុក្ខាប្រមាញ់ និងនេសាទខេត្ត និងមន្ត្រីខណ្ឌរដ្ឋបាលព្រៃឈើជាច្រើនរូប ដែលប្រព្រឹត្តទៅនៅមន្ទីរកសិកម្ម រុក្ខាប្រមាញ់ និងនេសាទខេត្តមណ្ឌលគិរី៕
ប្រភព៖ រដ្ឋបាលខេត្តមណ្ឌលគិរី