តាកែវ៖ នៅសាលប្រជុំរដ្ឋបាលស្រុកគិរីវង់ នារសៀលថ្ងៃអង្គារ ទី២០ ខែកញ្ញា ឆ្នាំ២០២២នេះ ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម អ៊ូច ភា អភិបាល នៃគណៈអភិបាលខេត្តតាកែវ បានអញ្ជើញប្រកាសចូលកាន់តំណែងជាផ្លូវការ អភិបាល នៃគណៈអភិបាលស្រុកគិរីវង់ នៃរដ្ឋបាលខេត្តតាកែវ។
ពិធីនេះក៏មានការអញ្ជើញចូលរួមដោយ លោកអភិបាលរងខេត្ត លោក លោកស្រីប្រធានមន្ទីរអង្គភាពពាក់ព័ន្ធ លោកឧត្តមសេនីយ៍ទោ ស្នងការនគរបាលខេត្ត លោកឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត លោកឧត្តមសេនីយ៍ត្រី មេបញ្ជាការតំបន់ប្រតិបត្តិការសឹករងខេត្ត និងលោកប្រធាន សមាជិកក្រុមប្រឹក្សាស្រុក លោក លោកស្រី អភិបាលរងស្រុក និងលោក លោកស្រី មន្ត្រីរាជការចំណុះរដ្ឋបាលស្រុកជាច្រើនកុះករ។
សូមជម្រាបជូនដែរ សម្ដេចអគ្គមហាសេនាធិបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ចេញអនុក្រឹត្យតែងតាំង លោក ស៊ុត ខុន ពី អភិបាលស្រុកគិរីវង់ ជា អភិបាលរងខេត្តតាកែវ និង សម្រេចតែងតាំងលោក ងួន ឌីណា ជា អភិបាល នៃគណៈអភិបាលស្រុកគិរីវង់៕
ប្រភព៖ រដ្ឋបាលខេត្តតាកែវ