នាព្រឹកថ្ងៃសៅរ៍​ ៥រោច ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៩ ខែកញ្ញាឆ្នាំ២០១៨​ ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តមណ្ឌលគិរី និងលោកជំទាវ បានដឹកនាំមន្រ្តីក្រោមឱវាទ រួមជា មួយបងប្អូនពុទ្ធបរិស័ទជាច្រើនអញ្ជើញចូលរួមក្នុងពិធីកាន់បិណ្ឌវេនទី៥ នៅវត្តចំនួនបី គឺវត្តសែនសែនមនោរម្យ វត្តព្រះពុទ្ធមណ្ឌលគិរី និងវត្តដាក់ដាំ។

ក្នុងឱកាសនោះដែរ​ ឯកឧត្តម ស្វាយ សំអ៊ាង អភិបាលខេត្ត និងលោកជំទាវ រួមទាំងមន្រ្តីរាជការ បានគោរពថ្វាយ ភួងផ្កា បូជាទៀនធូក ចំពោះព្រះពុទ្ធរូប ព្រះសម្មាសាម្ពុទ្ធ និងនមសិកាព្រះរតនត្រ័យទៅតាមគន្លងព្រះធម៌សម្មា សាម្ពុទ្ធរួចមក ក៏បាននាំយកទេយ្យវត្ថុ និងគ្រឿងឧបភោគបរិភោគទៅវេរប្រគេនដល់ព្រះសង្ឈទៅតាមគន្លងប្រពៃ ណី ព្រះពុទ្ធសាសនា និងទំនៀមទំលាប់ខ្មែរពីបុរាណដើម្បីឧទ្ទិសមគ្គផល និងកុសល្យផលបុណ្យជូនដល់ដួងវិ ញ្ញាណក្ខន្ធ បុព្វការីជនមាន មាតា បិតា ជីដូនជីតា និងញាតិកាទាំង៧សន្តាន ព្រមទាំងវីរៈយុទ្ធជន យុទ្ធនារី អ្នក ស្នេហាជាតិទាំងអស់ ដែលបានធ្វើមរណកាលទៅកាន់លោកខាងមុខ ក្នុងបុព្វហេតុជាតិទឹកដី។ ជាមួយគ្នានោះ​ ឯកឧត្តម ក៏បានបួងសួងសុំនូវសេចក្តីសុខដល់ប្រជាពលរដ្ឋទូទាំងខេត្តមណ្ឌលគិរីផងដែរ។ ​

ឯកឧត្តម ស្វាយ សំអ៊ាង អភិបាលខេត្ត និងលោកជំទាវ រួមទាំងមន្រ្តីរាជការ បានប្រគេនទេយ្យវត្ថុ និងប្រគេន បច្ច័យមួយចំនួនដល់ព្រះសង្ឃ ព្រមទាំងមាន៖ អង្ករ ទឹកផ្លែឈើ ទឹកសុទ្ធ ស្ករស ទឹកដោះគោ ទឹកស៊ីអ៊ីវ ទឹកត្រី មី ត្រីខ តែ ព្រមទាំងផ្តល់បច្ច័យជូនយាយជី តាជីផងដែរ៕