ឯកឧត្តម អ៊ុំ រាត្រី អភិបាលខេត្តបន្ទាយមានជ័យ នាំយកទៀនព្រះវស្សា គ្រឿងឧបភោគ បរិភោគ ប្រគេនជូនវត្តទូទាំងក្រុងសិរីសោភ័ណ
នារសៀលថ្ងៃទី១១ ខែកក្កដា ឆ្នាំ២០២២ ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ និងលោក ជំទាវ ជ័យ ណារី អ៊ុំរាត្រី បានអញ្ជើញនាំយកទៀនព្រះវស្សា គ្រឿងឧបភោគ បរិភោគ ប្រគេនជូនវត្តទូទាំងក្រុងសិរីសោភ័ណ សរុបចំនួន ២២វត្ត ដោយមានការចូលរួមពីសំណាក់ ឯកឧត្តម លោកជំទាវ មន្ទីរ អង្គភាពស្ថាប័នពាក់ព័ន្ធជុំវិញខេត្ត លោក ហ៊ឹល រ៉ាយ៉ា អភិបាលក្រុងសិរីសោភ័ណ លោក ជាម សុខ សមាជិកក្រុមប្រឹក្សាក្រុង មន្ត្រីរាជការ នៃរដ្ឋបាលក្រុងសិរីសោភ័ណ និងអ្នកពាក់ព័ន្ធជាច្រើនរូបទៀត។
គួរបញ្ជាក់ថា ទេយ្យទាន ចូលវស្សាចំនួន ២២វត្ត ក្នុងក្រុងសិរីសោភ័ណ រួមមាន ៖ ទៀន ២ដើម, អង្ករ ១០០គីឡូ, មីជាតិ ៣ កេស, ទឹកសុទ្ធ ៣កេស, ទឹកត្រី ៥យួរ, ទឹកស៊ីអ៊ីវ ៥យួរ, ស្លាដក់ ១ឈុត, ថវិកា ៤៨ម៉ឺនរៀល៕
ប្រភព៖ រដ្ឋបាលខេត្តបន្ទាយមានជ័យ
