ឯកឧត្តម អភិបាលខេត្តព្រៃវែង និងលោកជំទាវ ព្រមទាំងមន្ត្រីរាជការជុំវិញខេត្ត បានចូលរួមពិធីកាន់បិណ្ឌវេនទី១ ជាមួយលោកជំទាវ ញ៉ែម សាខន ស ខេង
ថ្ងៃអង្គារ៍ ១រោច ខែភទ្របទ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៥ ខែកញ្ញា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងលោកជំទាវ បានរៀបចំពិធីបង្សុកូលឧទ្ទិកុសលជូនវិញ្ញាណក្ខ័ន្ឋលោកពុក និងអ្នកម្តាយ ព្រមទាំងវិញ្ញាណក្ខ័ន្ឋបុព្វការីជន និងញាតិការទាំង៧សណ្តាន ក្រោមអធិបតីភាព លោកជំទាវ ញ៉ែម សាខន ស ខេង ដែលប្រព្រឹត្តទៅនាភូមិគ្រឹះសម្តេចអគ្គមហាធម្មពោធិសាល ជា ស៊ីមនៅភូមិកន្លែងជ្រៅ ឃុំក្របៅ ស្រុកកំចាយមារ ខេត្តព្រៃវែង។
ព្រមជាមួយគ្នានេះផងដែរ ឯកឧត្តម ជា សុមេធី ក៏បាននិមន្តព្រះសង្ឃ ចំនួន១៥អង្គ មកពី១៥វត្ត ដើម្បីប្រារព្ធកម្មវិធីបុណ្យកាន់បិណ្ឌទី០១ នៅនឹងភូមិគ្រឹះសម្តេចអគ្គមហាធម្មពោធិសាល ជា ស៊ីម តែម្តង៕
