លោកជំទាវ ជូ ប៊ុនអេង បានអញ្ជើញចុះសំណេះសំណាលជាមួយពលករក្នុងខេត្តត្រាត
កាលពីថ្ងៃអាទិត្យ ១៤ កើត ខែភទ្របទ ឆ្នាំច សំរឹទ្ធិស័ក ពុទ្ធសករាជ ២៥៦២ត្រូវនឹងថ្ងៃទី២៣ ខែកញ្ញា ឆ្នាំ២០១៨ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន ប្រឆាំងការជួញដូរមនុស្ស រួមជាមួយលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ចើញចុះសំណេះសំណាល សួរសុខទុក្ខពលករ កម្មករទូក ដែលរស់នៅក្នុងខេត្តត្រាត ព្រះរាជាណាចក្រថៃ ប្រមាណ ១ ម៉ឺននាក់។
ក្រោយពីជួបសំណេះសណាលជាមួយពលករ លោកជំទាវរដ្ឋលេខាធិការ ក៏បានជួបពិភាក្សាកាងារជាមួយអាជ្ញាធរ ថៃ ស្តីពីសហប្រតិបត្តិការយ៉ាងជិតស្និទក្នុងការគ្រប់គ្រងពលករឲ្យស្របច្បាប់ និងទប់ស្កាត់ការជួញដូរមនុស្សខុសច្បាប់ផងដែរ។
