នាថ្ងៃអង្គារ ទី២៤ ខែឧសភា ឆ្នាំ២០២២ រដ្ឋបាលខេត្តកោះកុង បានរៀបចំកិច្ចប្រជុំពិភាក្សា ស្តីពីសំណើសូមទីតាំងរៀបចំដាក់ដំឡើងផ្ទាំងប៉ាណូ ក្រោមប្រធានបទ "តំបន់គ្មានការប្រើប្រាស់ប្លាស្ទិក"។ ក្រោមអធិបតីភាព ដឹកនាំកិច្ចប្រជុំដោយ លោក សុខ សុទ្ធី អភិបាលរង នៃគណៈអភិបាលខេត្តកោះកុង និងជាតំណាងដ៏ខ្ពង់ខ្ពស់លោកជំទាវអភិបាល នៃគណៈអភិបាលខេត្តកោះកុង។ កិច្ចប្រជុំនេះ សំដៅផ្សព្វផ្សាយដល់សាធារណជន ស្តីពីការទប់ស្កាត់ និងការកាត់បន្ថយការប្រើប្រាស់ប្លាស្ទិកចំនួន ០៤ផ្ទាំង នៅក្នុងភូមិសាស្ត្រខេត្តកោះកុង។
កិច្ចប្រជុំបានឯកភាព និងកំណត់យកទីតាំងសម្រាប់ដំឡើងប៉ាណូ ០៤ទីតាំង:
១-ទីតាំងទី១ នៅសហគមន៍អេកូទេសចរណ៍ជីផាត
២-ទីតាំងទី២ នៅសហគមន៍ទេសចរណ៍អារ៉ែង
៣-ទីតាំងទី៣ នៅសហគមន៍ទេសចរណ៍តាតៃ
៤-ទីតាំងទី៤ នៅវត្តប៉ាក់ខ្លង។
ជាមួយគ្នានេះផងដែរ លោកអភិបាលរងខេត្ត ស្នើសូមឱ្យអាជ្ញាធរមូលដ្ឋាន និងមន្ទីរបរិស្ថានសហការគ្នា ក្នុងការដំឡើងប៉ាណូផ្សព្វផ្សាយនេះ ដល់សាធារណជន ក្នុងការទប់ស្កាត់ និងការកាត់បន្ថយការប្រើប្រាស់ប្លាស្ទិក ឱ្យបានលឿន៕
ប្រភព៖ រដ្ឋបាលខេត្តកោះកុង