នាថ្ងៃទីពុធ ទី១១ ខែឧសភា ឆ្នាំ២០២២ រដ្ឋបាលខេត្តឧត្តរមានជ័យ ចេញសេចក្តីជូនដំណឹងស្តីពីបែបបទ និងនីតិវិធីនៃការផ្តល់ប័ណ្ណព្រំដែនកម្ពុជាថៃ “ប័ណ្ណព្រំដែនកម្ពុជា-ថៃ”អាចផ្ដល់ជូនបានតែប្រជាពលរដ្ឋខ្មែរគ្រប់រូបដែលមានលំនៅឋានអចិន្ត្រៃយ៍ នៅក្នុងខេត្តដែលសាមីខ្លួនស្នើសុំប័ណ្ណព្រំដែនប៉ុណ្ណោះ ក្នុងតម្លៃ២០.០០០រៀល(ពីរម៉ឺនរៀលគត់)ដោយសាមីខ្លួនត្រូវបង្ហាញមុខដោយផ្ទាល់ជាមួយមន្ត្រីមានសមត្ថកិច្ចនៅទីតាំងផ្តល់សេវារៀងរាល់ម៉ោងធ្វើការ។
រដ្ឋបាលខេត្តសូមជម្រាប់បញ្ជាក់ជូនថាកន្លងមកនៅមានបងប្អូនប្រជាពលរដ្ឋមួយ ចំនួនមានការភ័ន្តច្រឡំ ហើយក៏មានជនឆ្លៀតឱកាសមួយចំនួនដើម្បីផលប្រយោជន៍បុគ្គលផ្ទាល់ខ្លួនបានបំផុសចលនាឱ្យ បងប្អូនប្រជាពលរដ្ឋដែលមានទីលំនៅ ឬអាសយដ្ឋានស្នាក់នៅក្រៅខេត្តឧត្តរមានជ័យ ថាអាចធ្វើប័ណ្ណព្រំដែនកម្ពុជា-ថៃ នៅអង្គភាពច្រកចេញចូលតែមួយខេត្ត ឬនៅ ទីស្នាក់ការត្រួតពិនិត្យច្រកទ្វារព្រំដែនអន្តរជាតិអូរស្មាច់បាន តាមរយៈការធានាជួយគំការ ឬជូនមក ដល់ទីតាំងផ្តល់សេវាផ្ទាល់៕
ប្រភព៖ រដ្ឋបាលខេត្តឧត្តរមានជ័យ