រសៀលថ្ងៃច័ន្ទ ៨រោច ខែស្រាពណ៍ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣ ខែកញ្ញា ឆ្នាំ២០១៨ ឯកឧត្តម ជា សុមេធី អភិបាលខេត្តព្រៃវែង និងលោកជំទាវ ព្រមទាំងឯកឧត្តម លោកជំទាវ អភិបាលរងខេត្ត លោកប្រធានមន្ទីរជុំវិញខេត្ត កងកម្លាំងទាំងបី អភិបាលស្រុក បានអញ្ជើញយកអំណោយរបស់ឯកឧត្តម ហ៊ុន ម៉ានី និងលោកជំទាវ, ឯកឧត្តម ស សុខា និងលោកជំទាវ ព្រមទាំងសប្បុរសជននានា មកចែកជូនដល់ប្រជាពលរដ្ឋដែលរងផលប៉ះពាល់ និងរងគ្រោះដោយសារទឹកជំនន់ ក្នុងឃុំព្រៃស្នៀត ស្រុកពារាំង ចំនួន២០០គ្រួសារ ។ ឆ្លៀតឱកាសនេះដែរ ឯកឧត្តម អភិបាលខេត្ត និងលោកជំទាវ បានអញ្ជើញចូលសួរសុខទុក្ខ លោកគ្រូពេទ្យនៅមណ្ឌលសុខភាព ព្រៃស្នៀត ឃុំព្រៃស្នៀត ស្រុកពារាំង ខេត្តព្រៃវែង។ ជាថ្មីម្តងទៀត ឯកឧត្តម អភិបាលខេត្ត និងលោកជំទាវ ជំនួសមុខអោយប្រជាពលរដ្ឋដែលរងគ្រោះដោយទឹកជំនន់ សូមថ្លែងអំណរគុណ ដល់ឯកឧត្តម លោកជំទាវ លោក លោកស្រី និងក្រុមការងារទាំងអស់ ទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
